«Maklareniň» sürüjisi Rikkýardo Italiýanyň Gran-prisiniň ýeňijisi boldy

  • 13.09.2021 07:52
  • 3.1k+

«Maklaren» toparynyň awstraliýaly sürüjisi Daniel Rikkýardo Formula-1 ulag klasyndaky awtoýaryşlar boýunça dünýä çempionatynyň 14-nji tapgyry bolan Italiýanyň Gran-prisiniň esasy ýaryşynda ýeňiji boldy.

Ýaryşda ikinji orny Rikkýardonyň topardaşy britaniýaly Lando Norris eýeledi, üçünji bolup pellehana “Red Bulldan” meksikaly Serhio Peres geldi, ýöne onuň wagtyna bäş jerime sekunty goşuldy, şondan soň bu orun pelotonyň ahyryndan ugran we şenbe güni sprint ýaryşynda ýeňiji bolan “Mersedesden” Waltteri Bottasa geçdi.

Rikkýardo karýerasynda sekizinji we 2018-nji ýyldan bäri ilkinji ýeňşini gazandy. Şol wagt ol “Red Bulluň” düzüminde çykyş edýärdi. 26-njy aýlawda çempionatyň liderleri Maks Werstappen (“Red Bull”) bilen britaniýaly Lýuis Hemilton (“Mersedes”) biri-biri bilen çaknyşyp, distansiýadan çykdylar. 

Umumy sanawda 226,5 utuk gazanyp Werstappen öňde barýar, ikinji orny Hemilton (221,5), üçünji orny Bottas (141) eýeleýär. Konstruktorlaryň kubogynda “Mersedes” (362,5) öňde barýar, ikinji orunda “Red Bull” (344,5), üçünji orunda “Maklaren” (215) ýerleşýär.
Formula-1-iň indiki tapgyry 24 – 26-njy sentýabrda Russiýada geçiriler.


düýn 17:28
1.3k+

“Maklaren” “Formula-1-de” möhletinden ir Konstruktorlaryň kubogyny gazanyp, “Red Bulluň” rekordyny gaýtalady

Singapuryň Gran-prisiniň jemi boýunça “Maklaren” topary möhletinden ir “Formula-1-iň” Konstruktorlaryň kubogy baýragyny aldy. Bu britan toparynyň konstruktorlar sanawynda yzygider ikinji we taryhda onunjy ýeňşidir diýip, ESPN belleýär...

düýn 17:25
901

Rassell Singapuryň Gran-prisinde “Mersedese” ýeňiş getirdi

“Mersedes” toparynyň britaniýaly ýaryşa gatnaşyjysy Jorj Rassell “Formula-1” dünýä çempionatynyň 18-nji tapgyry bolan Singapuryň Gran-prisiniň ýeňijisi boldy. Ýaryş şäher ýolunda geçirildi. Rassell üçin bu ýeňiş häzirki möwsümde ikinji we karýerasynda bäşinji boldy...

30.09.2025 22:53
10k+

“Milanyň” we “Interiň” öý stadiony ýykylar

Milanyň şäher geňeşi “San-Siro” stadionynyň ýerli “Inter” we “Milan” futbol klublaryna satylmagyny tassyklady. Bu barada La Gazzetta dello Sport habar berýär. Çözgüt 30-njy sentýabra geçilen gijede bolan mejlisde kabul edildi, şertnamanyň bahasy 197 mln ýewro boldy...

29.09.2025 19:03
9.2k+

Erkekleriň we zenanlaryň woleýbol boýunça dünýä çempionatlarynda şol bir ýurt ýeňiji boldy

Soňky 65 ýylda ilkinji gezek şol bir ýurduň erkekler we zenanlar ýygyndylary bir wagtyň özünde woleýbol boýunça dünýä çempionatlarynyň ýeňijileri boldy. 2025-nji ýylda bu Italiýanyň milli ýygyndylaryna başartdy, olar Filippinlerdäki we Tailanddaky ýaryşlarda ýeňiş gazandy...