“Red Bulluň” niderlandiýaly sürüjisi Maks Werstappen “Formula-1” ulag klasyndaky awtoýaryşlar boýunça dünýä çempionatynyň 13-nji tapgyry bolan Niderlandlaryň Gran-prisinde ýeňiji boldy. Ýaryş Zandwortdaky awtodromda geçirildi.
Ikinji orny “Mersedesden” häzirki dünýä çempiony britaniýaly Lýuis Hemilton, üçünji orny onuň topardaşy finlýandiýaly Waltteri Bottas eýeledi.
Bu tapgyra koronawirus bilen keselländigi üçin “Alfa Romeodan” finlýandiýaly Kimi Raýkkonen gatnaşyp bilmedi, dynç günleriniň dowamynda onuň ornuny ýaryşda 15-nji bolup gelen polşaly Robert Kubisa çalşyrdy.
Ýeňiji bolmak bilen Werstappen 224,5 bal gazanyp, umumy sanawda Hemiltondan öňe geçip, birinji orna çykdy. Hemiltonyň hasabynda 221,5 bal, üçünji orny eýeleýän Bottasda 123 bal bar. Konstruktorlaryň kubogynda “Mersedes” öňde barýar (310,5), onuň yzyndan “Red Bull” (303,5) we “Maklaren” (169) gelýär.
Niderlandlaryň Gran-prisi 1985-nji ýyldan bäri ilkinji gezek geçirildi. Çempionatyň indiki tapgyry 10 – 12-nji sentýabrda Italiýanyň “Monsa” awtodromynda geçiriler.
