Braziliýa-Argentina futbol duşuşygy polisiýa tarapyndan togtadyldy

  • 06.09.2021 08:08
  • 20k+

Futbol boýunça Dünýä çempionaty – 2022-niň saýlama tapgyrynyň çäginde Braziliýanyň we Argentinanyň arasyndaky duşuşyk ýedinji minutda togtadyldy. Braziliýanyň polisiýa we migrasiýa gulluklarynyň işgärleriniň meýdançanyň özünde Argentinanyň dört sany futbolçysyny tussag etmäge synanyşygyndan soň, argentinalylar doly düzümi bilen meýdançadan çykdylar.

Gürrüň Emiliano Martines, Emiliano Buendi, Lo Çelso we Kristian Romero hakynda barýar.

Bu oýunçylaryň dördüsi hem Angliýanyň Premýer-ligasynda çykyş edýär. Epidemiologik düzgünlere laýyklykda bolsa, Braziliýa gelýän şahslar, eger-de ýurda gelmezden iki hepde öň Beýik Britaniýa baran bolsalar, onda 14 günlük karantinde galmaly eken.

Habar beriş serişdeleriniň  maglumatlaryna görä, oýunçylar migrasiýa gullugynyň işgärlerine Angliýa barmandyklary barada galp maglumatlary beripdirler. Şol bir wagtyň özünde, Martines we Buendi 28-nji awgustda «Aston Willanyň» düzüminde «Brentforda» garşy oýna çykdylar, Lo Çelso bolsa Romero bilen 29-njy awgustda «Uotforda» garşy oýunda «Tottenhemiň» ätiýaçdaky düzüminde oturdylar.

Ilkibaşda, polisiýa işgärleri argentinaly oýunçylary ýurtdan deport etmek üçin olaryň bolýan myhmanhanasyna bardylar, emma futbolçylar eýýäm futbol oýnuna giden ekenler.

Soňra Futbol boýunça Günorta Amerika konfederasiýasynyň metbugat-gullugy (KONMEBOL) sosial torlarda ýygyndylaryň arasynda duşuşygyň dowam etdirilmejekdigini yglan etdi. Duşuşygyň ykbalyny FIFA-nyň ýolbaşçylary çözer.


şu gün 09:22
4.5k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:17
3.8k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...

26.11.2025 12:52
7.7k+

Çempionlar ligasynyň 5-nji tapgyry: “Çelsi” “Barselonany” utdy, “ManSiti” “Baýerden” utuldy

Çarşenbe gününe geçilen gije UEFA-nyň Çempionlar ligasynyň umumy tapgyrynyň bäşinji oýunlary geçirildi. Olardan ikisi garaşylmadyk netije bilen tamamlandy: “Çelsi” “Barselonanyň” derwezesine jogapsyz üç gol geçirdi, “Mançester Siti” bolsa öýünde Lewerkuzeniň “Baýerinden” utuldy...