UEFA “Barselonanyň” iki oýunçysyna geçen möwsüm Çempionlar ligasynyň 1/2 finalynyň “Intere” garşy jogap oýnundan soň doping-gözegçilik düzgünlerini bozandygy üçin jerime saldy. Bu barada AS gazeti habar berdi.
Katalon klubunyň hüjümçileri Lamin Ýamal we Robert Lewandowski doping işgäriniň görkezmesini berjaý etmedi we düzgünnamanyň talaplaryna laýyklykda derrew barlag nokadyna gelmedi. Jeza hökmünde oýunçylaryň her biri 5 müň ýewro möçberde jerime tölär.
Toparyň baş tälimçisi Hansi Flik “özüni alyp baryş düzgünlerini” bozandygy üçin indiki Çempionlar ligasynyň bir oýnundan çetleşdirildi we 20 müň ýewro möçberde jerime salyndy. Habarda Fligiň günäkär bolmagynyň takyk sebäbi görkezilmeýär. Şeýle-de, “Barselonanyň” baş tälimçisiniň kömekçisi Markus Zorga hem jeza berildi.
Şol oýunda “Barselona” goşmaça wagtda “Interden” 3:4 hasabynda utuldy we ýaryşyň finalyna çykyp bilmedi.
