"Barselona” möwsümden öňki taýýarlygyny Žoan Gamperiň Kubogy ugrunda “Komo 1907” toparyna garşy oýun bilen tamamlady. Bu Seriýa A ligasyna täze goşulan topar bolup, oňa kataloniýalylaryň öňki oýunçysy Sesk Fabregas tälim berýär.
Häzirki wagtda “Kamp Nou” stadionynyň durky täzelenýär, şonuň üçin oýun Ýohan Kroýf adyndaky meýdançada geçirildi.
Ýer eýeleri eýýäm duşuşygyň birinji ýarymynda dört gol geçirdi. 21-nji minutda Fermin Lopes hasaby açdy, 14 minutdan soň ol ikinji goluny geçirdi. 37-nji minutda “Barsanyň” täze oýunçysy Markus Reşford Rafinýanyň gol geçirmegine kömek etdi. 42-nji minutda bolsa Lamin Ýamal gol bilen tapawutlandy.
“Barselonanyň” 18 ýaşly wingeri ikinji ýarymyň başynda-da gol geçirdi, 49-njy minutda oňa Ferran Torres kömek etdi. Şondan soň ahyrky jürlewüge çenli hasap üýtgemedi.
Netijede, “Barselona” “Komony” 5:0 hasabynda utup, Žoan Gamperiň Kubogyny gazandy.
Žoan Gamperiň Kubogy – bu 1996-njy ýyldan bäri “Barselona” tarapyndan geçirilýän ýoldaşlyk oýny. Kubok klubuň prezidentiniň we esaslandyryjysynyň adyny göterýär.
