Dünýäde bitkoini kanuny taýdan resmileşdirmek isleýän ýurtlaryň hatary barha uzaýar. Indi oňa Salwadordan soň ýene bir ýurt - Kuba hem goşuldy. Bu barada pcnews.ru habar berdi.
Euronews tarapyndan çap edilen maglumatlara görä, ýurduň merkezi banky adada harytlar we hyzmatlar üçin töleg tölemekde kriptografik walýutalary ulanmaga resmi taýdan rugsat berdi. Ýakyn wagtda edaranyň wekilleri sanly pullary dolandyrmagyň jikme-jik düzgünlerini hem kesgitlärler.
Kriptografik walýutalar baradaky kararnamanyň (rezolýusiýanyň) öňümizdäki aýda, has takygy, 15-nji sentýabrda hereket edip başlajakdygy habar berildi. Ol, öz gezeginde, wirtual aktiwleriň täjirçilik amallarynda ulanylmagyny düzgünleşdirmegi maksat edinýär diýip, çeşme belleýär.
Aýdylmagyna görä, Kubada bitkoini kanunlaşdyrmak kararyna ABŞ-nyň öňki Prezidenti Donald Trampyň syýasaty sebäpli gelindi. Ol, hususan-da, dollary ulanmagy kynlaşdyrýan embargo düzgünlerini hasam berkidipdi.
