Portugaliýaly Kriştianu Ronaldu milli ýygyndy üçin oýunlarda geçiren gollarynyň sany boýunça dünýä rekordynyň eýesi boldy. 2022-nji ýylyň futbol boýunça dünýä çempionatynyň saýlama tapgyrynyň Irlandiýa toparyna garşy oýnunda Ronaldu Portugaliýanyň milli ýygyndysy üçin iki gol girizdi. Portugaliýaly futbolçylar 2:1 hasabynda ýeňiş gazandylar.
Indi milli ýygyndynyň düzüminde Ronaldunyň hasabynda 111 gol bar. Şeýlelik bilen, ýakynda Turiniň “Ýuwentusyndan” iňlis “Mançester Ýunaýtede” geçen Kriştianu Ronaldu Eýranyň milli ýygyndysynyň hüjümçisi Ali Daeiniň öňki dünýä rekordyny täzeledi. Bu oýunçynyň hasabynda 109 gol bar.
Kriştianu Ronaldu milli ýygyndynyň düzüminde 180 oýna gatnaşdy. Ol “Altyn topuň” bäş gezek eýesi, Çempionlar ligasynyň bäş gezek ýeňijisi, Ýewropa çempiony we Milletler ligasynyň ýeňijisidir.
