Breýk-dans Pariž Olimpiadasyna goşular. Karate, softbol we beýsbol maksatnamadan aýryldy

  • 22.08.2021 17:32
  • 6.7k+
Breýk-dans Pariž Olimpiadasyna goşular. Karate, softbol we beýsbol maksatnamadan aýryldy

Pariždäki Olimpiýa oýunlarynyň guramaçylyk komiteti öz saýtynda 2024-nji ýyldaky Oýunlarda hödürlenjek sport görnüşleriniň sanawyny neşir etdi.

Olimpiýa maksatnamasynda karateni galdyrmak baradaky çagyryşlara garamazdan, guramaçylar we HOK karateniň Olimpiýa oýunlarynyň maksatnamasyndan aýrylandygyny tassykladylar diýip, championat.com habar berýär.

Karateden başga-da, Pariždäki Oýunlaryň maksatnamasyna beýsbol bilen softbol hem girmedi, ýöne guramaçylar sportuň täze görnüşiniň – breýk-dansyň peýda boljakdygyny aýtdylar. 

Karate ilkinji gezek Tokiodaky Olimpiýa oýunlarynda hödürlendi. Sportuň bu görnüşinde 6 medal toplumy ugrunda bäsleşildi. Pariždäki Olimpiada 2024-nji ýylyň 26-njy iýulyndan 11-nji awgusty aralygynda geçirilmeli.

PSŽ 90+5-nji minutda ýeňlişden gutulyp, penaltiler arkaly Fransiýanyň Superkubogyny gazandy
09.01.2026 12:11
10k+

PSŽ 90+5-nji minutda ýeňlişden gutulyp, penaltiler arkaly Fransiýanyň Superkubogyny gazandy

«Pari Sen-Žermen» (PSŽ) taryhynda 14-nji gezek Fransiýanyň Superkubogynyň eýesi boldy. 8-nji ýanwarda Kuweýtiň bitarap meýdançasynda geçirilen final duşuşygynda parižliler «Marsel» toparyndan üstün çykdylar. Oýnuň esasy wagty 2:2 hasabynda tamamlandy, penalti tapgyrynda bolsa PSŽ 4:1 hasabynda üstün çykdy...

Olimpiadany geçirmegiň bahasy näçe? Pariže ol 2,8 mlrd ýewro düşdi
18.12.2025 22:53
2.5k+

Olimpiadany geçirmegiň bahasy näçe? Pariže ol 2,8 mlrd ýewro düşdi

Fransiýanyň Meýilnamalaşdyryş boýunça ýokary komissiýasy 2024-nji ýylda Parižde geçirilen Olimpiýa oýunlarynyň bahasyny 2,8 mlrd ýewro diýip hasaplady. Bu barada Europe 1 radiostansiýasy habar berdi. «2024-nji ýylda Parižde geçirilen Olimpiýa oýunlarynyň arassa bahasy Meýilnamalaşdyryş boýunça ýokary komissiýa tarapyndan 2,8 mlrd ýewro bilen bahalandyrylýar» — diýlip, radiostansiýanyň habarynda aýdylýar...

HOK Saud Arabystanyndaky Kibersport Olimpiadasy-2027-ni ýatyrdy
01.11.2025 09:51
2.6k+

HOK Saud Arabystanyndaky Kibersport Olimpiadasy-2027-ni ýatyrdy

Halkara Olimpiýa komiteti ilkinji Olimpiýa kibersport oýunlaryny gurnamak boýunça Saud Olimpiýa we Paralimpiýa komiteti (SOPC) bilen hyzmatdaşlygyň bes edilendigini mälim etdi diýip, Reuters habar berýär. Ýaryşlary 2027-nji ýylda Er-Riýadda geçirmek meýilleşdirilipdi...

Fransiýa futbolçylaryň eksportyndan gazanylan girdeji boýunça Braziliýadan öňe geçdi
31.10.2025 22:12
5k+

Fransiýa futbolçylaryň eksportyndan gazanylan girdeji boýunça Braziliýadan öňe geçdi

Soňky on ýylda fransuz futbol klublary oýunçylaryň daşary ýurtlara transferinden tas 4 mlrd ýewro gazandy. Şeýle maglumatlary Halkara futbol federasiýasynyň hyzmatdaşy CIES Football Observatory hödürleýär. CIES 2016-njy ýyldan başlap, soňky on ýylda transferlerden gelen girdejiler boýunça futbol çempionatlarynyň reýtingini düzdi...