Xiaomi hytaý kompaniýasy Redmi 10 smartfonunyň global tanyşdyrylyş dabarasyny geçirdi. Bu iň täze MediaTek Helio G88 bir kristally ulgamda döredilen dünýädäki ilkinji gurluşdyr diýip, superplanshet.ru habar berýär.
Model Full HD+ standart durulygyny we 45-den 90 Gs-e çenli täzelenme ýygylygyny üpjün edýän 6,5 dýuým displeý bilen üpjün edildi. Ekranyň ýokarky böleginiň merkezinde 8 MP datçikli selfi kamerasy üçin niýetlenen deşik bar.
Arka tarapynda Xiaomi Mi 10 Ultra bilen Redmi Note 10 Pro 5G-niň kameralaryny ýada salýan dizaýn bilen dört kamera ýerleşdirildi. Onda 50 MP esasy modul, 8 MP giň burçly modul, 2 MP makromodul we 2 MP sensor bar.
Gurluşyň ýat arsenaly 4 GB/6 GB operatiw ýady we 64 GB/128 GB içerki fleş-ýady öz içine alýar. Smartfona MIUI 12.5 ulanyjy interfeýsi bilen Android 11 operasion sistemasy gurnaldy.
Energiýa üpjünçiligine 22,5 Wt çalt simli zarýadlanmany we 9 Wt rewersiw zarýadlanmany göterýän 5000 mA/s sygymly batareýa jogap berýär. Enjamyň agramy 161,95 x 75,53 x 8,92 mm ölçegde 181 gramdyr.
Korpus üç reňk görnüşine eýe: Carbon Gray, Pebble White we Sea Blue. Täze önümiň açyk satuwy 2021-nji ýylyň 20-nji awgustynda başlar.
