Rowaýaty boksçy Muhammet Aliniň agtygy Niko Ali Uolş professional ringde özüniň ilkinji söweşini geçirdi. Ýeňiş gazanmak üçin oňa bary-ýogy bir minutdan gowrak wagt gerek boldy. Bu barada sportrbc.ru habar berdi.
Bir minutdan gowrak dowam eden tutluşykda 21 ýaşly Niko Ali Uolş öz watandaşy Jordan Uiks bilen söweşdi. Söweş Katosadaky (Oklahoma ştaty) boks agşamynyň çäginde geçirildi.
“Jadylaýjy çykyş. Babasy bu ýigidiň ony nähili şöhratlandyrýandygyna buýsanardy" diýip, promouter Bob Arum Uolşyň söweşine ýokary baha berdi.
Jordan Uiks Muhammet Aliniň agtygy bilen duşuşmazdan ozal hem bir gezek ýeňlipdi. Indi onuň hasabynda dört ýeňiş we iki ýeňliş bar.
Ýeri gelende bellesek, Muhammet Ali (asyl ady Kassius Kleý-Kiçi) sportuň taryhynyň iň köp titully boksçylarynyň biridir. Ol agyr agram derejesinde absolýut dünýä çempiony (1964-1966, 1974-1978) we 1966-njy ýyldaky Olimpiýa oýunlarynda altyn medalyň eýesidir.
