Argentinaly futbolçy Lionel Messiniň «Barselonadan» gidýändigi mynasybetli geçirilen metbugat ýygnagynda gözýaşyny süpüren kagyz desmaly 1 million dollara satylýar. Mercado Libre söwda platformasynda şeýle bildiriş peýda boldy diýip, championat.com habar berdi.
8-nji awgustda Messi metbugat ýygnagynda giriş sözüni aýtmak isledi, ýöne gözýaşlaryny saklap bilmedi. Argentinaly ýyldyzyň özüni ele almagy üçin birnäçe minut gerek boldy. Köşeşiberende bosla futbolçy kagyz desmal bilen gözýaşyny süpürdi.
10-njy awgustda Messi "PSŽ" bilen iki ýyllyk şertnama baglaşdy. Şertnama ýene bir möwsüm uzaltmak mümkinçiligini öz içine alýar. Şondan bäş gün öň "Barselona" 34 ýaşly oýunçy bilen şertnamany uzaltmajakdyklaryny habar berdi. Munuň özi Ispaniýanyň ligasynyň düzgünlerinde görkezilen maliýe we gurluş päsgelçilikleri bilen baglanyşykly diýip, çeşme belleýär.
