«Pari Sen-Žermeniň» prezidenti Nasser Al-Helaifi bir hüjümçini beýleki bir hüjümçä çalşyrmagy meýilleşdirýär.
AS neşiriniň habar bermegine görä, “PSŽ” Mbappeniň şertnamasynyň möhletini uzaltmajakdygyna we “Realda” oýnamak isleýändigine düşünýär, ýöne klub ony şu tomus Madridiň klubuna satmaz we 2022-nji ýylyň tomsuna çenli garaşar. Bir ýyldan Kilianyň erkin agent hökmünde Madridiň “Realyna” goşulmagyna garaşylýar diýip, championat.com belleýär.
Mbappeniň deregine “PSŽ-niň” ýolbaşçysy şol wagta çenli “Ýuwentus” bilen şertnamasynyň möhleti tamamlanýan Kriştianu Ronalduny görmek isleýär. 36 ýaşly portugaliýaly oýunçy eger ýol harçlaryny we agent töleglerini hasaba almasaň, topara mugt geçer. “PSŽ-e” geçen ýagdaýynda hüjümçiniň şertnamasy iki ýyla niýetlener diýlip çak edilýär.
Bellenilişi ýaly, Al-Helaifi üçin Neýmary, Ronalduny we Lionel Messini bir toparda ýygnamak hemişe arzuw bolupdy.
10-njy awgustda 34 ýaşly Messi “Barselonadan” erkin agent hökmünde gidenden soň, “PSŽ-niň” oýunçysy boldy.
