20-nji awgustda Çeburaşkanyň döredilmeginiň 55 ýyllygy mynasybetli onuň adyny göterýän atyr köpçülige tanyşdyrylar. Bu barada "Soýuzmultpark"-yň metbugat gullugyna salgylanyp, TASS habar berdi.
"Meşhur gahrymanyň 55 ýyllygynyň bellenilýän gününde multimediýa merkezinde nusgawy multfilmleriň birinde surata düşürilen asyl Çeburaşka gurjagy görkeziler we adybir atyr tanyşdyrylar" diýip, metbugat gullugy beýan edýär.
Mundan başga-da, şol gün "Soýuzmultparka" ýazyjy Eduard Uspenskiniň döreden eserinde Çeburaşkanyň tapylýan gutusynda bir tonna pyrtykal gowşurylar.
Çeburaşka gahrymany ilkinji gezek 1966-njy ýylda Eduard Uspenskiniň "Krokodil Gena we onuň dostlary" atly kitabynda peýda bolupdy. 1969-njy ýylda “Soýuzmultfilm” studiýasynda režissýor Roman Kaçanow tarapyndan “Krokodil Gena” filmi döredildi.
