“Forbes” amerikan žurnaly aýdymçy Riannany milliarderleriň sanawyna goşdy. Onuň baýlygy 1,7 mlrd dollar bilen bahalandyryldy – bu Opra Uinfriden soň (telealypbaryjynyň baýlygy 1 mlrd dollar köp) şou-biznesdäki zenan maşgala degişli iň uly mukdardyr diýip, daily.afisha.ru belleýär.
Rianna resmi taýdan dünýäniň iň baý aýdymçysy boldy diýip, neşir belleýär. Ol dünýäniň iň baý adamlarynyň sanawynda 1174-nji orny eýeledi. Neşiriň maglumatlaryna görä, aýdymça girdejiniň esasy bölegini aýdym-saz däl-de, onuň biznes taslamalary getirdi.
50%-i artiste degişli bolan Fenty Beauty kosmetika kompaniýasy oňa 1,4 mlrd dollar girdeji getirdi. Savage x Fenty brendi onuň baýlygynyň üstüne ýene 270 mln dollar goşdy. Şeýle-de, kinoda surata düşmek hem Rianna ep-esli girdeji getirýär.
Geçen hepde Rianna Fenty Beauty lineýkasynyň giňeldilýändigini, oňa parfýumeriýanyň hem goşulýandygyny habar berdi. Ilkinji hoşboý ysy parfýumer Žak Kawalýe-Belltrýu döretdi.
