MA ýurtlarynyň Ykdysady forumynyň çäklerinde 85 sany resminama gol çekildi

  • 07.08.2021 06:50
  • 6k+

6-njy awgustda «Awaza» Kongresler merkezinde Merkezi Aziýa ýurtlarynyň döwlet Baştutanlarynyň Konsultatiw duşuşygynyň çäklerinde Merkezi Aziýa döwletleriniň ykdysady forumy geçirildi.

Foruma Gazagystanyň, Gyrgyzystanyň, Täjigistanyň, Türkmenistanyň we Özbegistanyň ugurdaş ministrlikleriniň ýolbaşçylary hem-de wekilleri gatnaşdylar. Mundan başga-da, Foruma sebitiň ýurtlarynyň döwlet we hususy pudagynyň, halkara hem-de sebit maliýe institutlarynyň wekilleri hem göni wideoaragatnaşyk arkaly gatnaşdylar.

Wise-premýer Serdar Berdimuhamedow forumyň plenar mejlisiniň açylyş dabarasynda gutlag sözi bilen çykyş etdi.

Nobatdaky Forumyň esasy maksady sebitde maýa goýum şertleriniň hemmetaraplaýyn gowulandyrylmagy hem-de ýurtlaryň özara hereketleriniň ileri tutulýan ugurlaryna maýa goýumlaryň çekilmegi, şeýle-de innowasiýalar, himiýa senagaty, energetika, ulag we kommunikasiýa ulgamlarynda köptaraplaýyn gatnaşyklaryň ösdürilmegi boýunça pikirleriň alyşylmagy hem-de olar boýunça derwaýys çözgütleriň kabul edilmegi boldy.

Forumyň çäklerinde Merkezi Aziýa ýurtlarynyň söwda-ykdysady we maýa goýum mümkinçilikleri, Merkezi Aziýa ýurtlarynyň energetika we himiýa pudaklaryndaky hyzmatdaşlygynyň geljekki ugurlary, Merkezi Aziýa ýurtlarynda ulag-logistika ulgamynda hyzmatdaşlyk ugurlary boýunça tematiki maslahatlar geçirildi.

Duşuşygyň jemleri boýunça oňa gatnaşyjylar Merkezi Aziýa döwletleriniň Ykdysady forumynyň Jemleýji resminamasyny kabul etdiler.

Çäräniň ahyrynda ýurtlaryň wekiliýetleriniň ikitaraplaýyn duşuşyklary geçirildi, şeýle-de özara hereketletiň dürli ugurlary boýunça ylalaşyklaryň 85-ni özünde jemleýän ikitaraplaýyn resminamalaryň agramly bukjasyna gol çekildi.

Geçirilen çärelerden soňra Foruma gatnaşan wekiller MA ýurtlarynyň milli önümleriniň sergisi bilen tanyş boldular, sebitiň ýurtlarynyň milli tagamlarynyň festiwalyna bardylar, soňra MA ýurtlarynyň medeniýet we sungat ussatlarynyň dabalary konsertine gatnaşdylar.


10.10.2025 09:59
8.6k+

Serdar Berdimuhamedow «Merkezi Aziýa — Russiýa» ikinji sammitinde möhüm teklipleri öňe sürdi

9-njy oktýabrda Türkmenistanyň Prezidenti Serdar Berdimuhamedow Täjigistanda Duşenbe şäherinde geçirilen «Merkezi Aziýa — Russiýa» ikinji sammitine gatnaşdy. Täjigistanyň Prezidentiniň başlyklyk etmeginde geçirilen duşuşyga şeýle hem Gazagystanyň, Gyrgyz Respublikasynyň, Özbegistanyň, Russiýa Federasiýasynyň Prezidentleri gatnaşdylar...

09.10.2025 19:01
12k+

Türkmenistanyň Prezidenti «Merkezi Aziýa – Russiýa» ikinji Sammitine gatnaşýar

9-njy oktýabrda günüň ikinji ýarymynda Duşenbede iş saparynda bolýan Prezident Serdar Berdimuhamedow «Merkezi Aziýa – Russiýa» ikinji Sammitiniň geçirilýän ýeri bolan Kabul edişlikler köşgüne bardy. Bu barada TDH habar berýär...

09.10.2025 18:42
5.8k+

Duşenbede Türkmenistanyň we Täjigistanyň Prezidentleriniň duşuşygy geçirildi

9-njy oktýabrda Prezident Serdar Berdimuhamedow iş saparynyň çäklerinde Täjigistanyň Prezidenti Emomali Rahmon bilen duşuşdy. Türkmenistanyň Prezidenti Duşenbede geçiriljek möhüm syýasy çärelere — «Merkezi Aziýa...

09.10.2025 15:13
6.3k+

Serdar Berdimuhamedow «Merkezi Aziýa –Russiýa» Sammitine we GDA-nyň mejlisine gatnaşmak üçin Täjigistana bardy

9-njy oktýabrda Prezident Serdar Berdimuhamedow «Merkezi Aziýa –Russiýa» ikinji Sammitine we Garaşsyz Döwletleriň Arkalaşygynyň  döwlet Baştutanlarynyň Geňeşiniň nobatdaky mejlisine gatnaşmak üçin, iş sapary bilen Täjigistana bardy...