Rejepbaý Rejepow Olimpiýa ýaryşlarynda çykyşyny tamamlady

  • 01.08.2021 18:52
  • 29k+

Tokioda 81 kg çenli agram derejede erkekleriň arasynda agyr atletika boýunça ýaryşlar tamamlandy. Türkmenistandan sportuň bu görnüşinde Rejepbaý Rejepow wekilçilik etdi.

Silterläp götermek boýunça ýaryşyň netijelerine görä, türkmenistanly türgen 164 kg agramy göterip, Olimpiadanyň bürünç medalyna dalaş etdi. Itekläp götermek boýunça ýaryşda türkmen türgeni 195 kg agramy iki synanyşykda hem alyp bilmedi, emma üçünji synanyşykda 198 kg agramy belletdi.
R.Rejepowyň ahyrky synanyşygy iň şowlusy boldy, ol 198 kg agramy göterip, wirtual jedwelde ikinji ýere süýşdi. Emma eminler topary bu netijäni bellige almady. Olaryň çykaran netijesine görä, Rejepbaý ştangany jaň sesine garaşman aşak düşüripdir. Ýagny, resmi taýdan ol agramy göterendigini bellige aldyryp bilmedi.
Şeýlelikde, türkmenistanly türgeniň üç synanyşygynyň üçüsi hem şowsuz bolup, jemleýji beýanda onuň görkezijileri hasaba alynmady.
Olimpiýa ýaryşynyň ýeňijisi hytaýly Lýu Sýaoszýun boldy. Kümüş medaly dominikanly Zakarias Bonnat (367 kg), bürünç medaly italiýaly Antonino Pissolato (365 kg) aldy.


düýn 17:52
3.8k+

“Altyn Asyr” AFK-nyň Çagyryş ligasynda “Abdyş-Atany” utdy

“Altyn Asyr” futbol kluby AFK-nyň Çagyryş ligasynyň toparlaýyn tapgyryna şowly başlady. Ol ilkinji oýunda “Abdyş-Ata” gyrgyz klubuny 1:0 hasabynda utdy. Oýun 25-nji oktýabrda geçirildi. Oýunda ýeke-täk goly 58-nji minutda Myrat Annaýew geçirdi...

24.10.2025 10:48
8.7k+

Türkmenistanda iň çalt gol hasaba alyndy. Ol 4-nji sekuntda geçirildi

Ýaşlar düzümleriniň gatnaşmagyndaky futbol boýunça Türkmenistanyň birinjiliginiň 22-nji tapgyrynyň wagty süýşürilen duşuşygynda Türkmenistanda iň çalt gol hasaba alyndy. «Şagadamyň» ýaşlar düzümi bilen geçirilen duşuşykda «Merw II» toparyndan Muhammet Allaberdiýew duşuşygyň 1-nji minutynda topy meýdanyň orta gürpünden derwezä depip, toparyny öňe saýlady...

24.10.2025 10:01
1.6k+

Türkmenistan ÝUNESKO-nyň maslahatynda sportuň arassalygyny goramak we dopinge garşy göreş tagallalaryna goldawyny bildirdi

Türkmenistanyň wekiliýeti Sportda dopinge garşy göreş baradaky Halkara konwensiýasynyň Taraplarynyň Maslahatynyň 10-njy sessiýasyna (COP10) gatnaşdy. Mejlis Fransiýanyň Pariž şäherindäki ÝUNESKO-nyň ştab-kwartirasynda 20-22-nji oktýabr aralygynda geçirildi diýip, Türkmenistanyň DIM-nde habar berdiler...

23.10.2025 12:03
1.1k+

Türkmenistanyň sport ulgamynyň wekilleri Mongoliýada halkara okuw maslahatyna gatnaşdylar

Türkmenistanyň sport ulgamynyň wekilleri 20-21-nji oktýabrda Mongoliýanyň paýtagty Ulan-Bator şäherinde geçirilen Merkezi Aziýa ýurtlarynyň talyplar sporty boýunça guramalarynyň ýolbaşçylarynyň we wekilleriniň gatnaşmagynda halkara okuw maslahatyna gatnaşdylar...