Ispaniýaly Karrenýo-Busta Olimpiýa oýunlarynda bürünç medal üçin oýunda Jokowiçi utdy

  • 01.08.2021 15:15
  • 3.6k+

Ispaniýaly tennisçi Pablo Karrenýo-Busta Olimpiýa ýaryşynyň bürünç medaly üçin oýunda serbiýaly Nowak Jokowiçi utdy. Duşuşyk 6:4, 6:7 (6:8), 6:3 hasabynda 30 ýaşly ispaniýaly türgeniň peýdasyna tamamlandy. 

Karrenýo-Busta turnir jedwelinde altynjy belgi bilen ýerleşdirildi. Jokowiç birinji belgidedi.
Jokowiç 34 ýaşynda, ol Professional tennisçileriň assosiasiýasynyň reýtinginde (ATP) birinji orny eýeleýär. Iýul aýynda ol yzygider üçünji gezek “Wimbledon” ýaryşynyň ýeňijisi boldy we “Uly tuwulga” ýaryşlarynda 20-nji titula eýe bolmak bilen, bu görkeziji boýunça ispaniýaly Rafael Nadal hem-de şweýsariýaly Rojer Federer bilen deňleşdi. Ol dokuz gezek Awstraliýanyň Açyk çempionatynda, alty gezek “Wimbledonda”, üç gezek ABŞ-nyň Açyk çempionatynda we iki gezek Fransiýanyň Açyk çempionatynda ýeňiji boldy. Onuň hasabynda ATP ýaryşlarynda jemi 85 ýeňşi bar. Şeýle-de, ol Pekindäki Olimpiýa oýunlarynyň (2008) bürünç baýrakçysydyr.
Karrenýo-Busta dünýä reýtinginiň 11-nji setirinde ýerleşýär. Onuň hasabynda ATP ýaryşlarynda alty ýeňşi bar. “Uly tuwulga” ýaryşlarynda ol iki gezek ABŞ-nyň Açyk çempionatynyň (2017, 2020) ýarym finalyna çykdy.


26.10.2025 09:40
4.4k+

SportsPro 2025-nji ýylyň iň köp gyzyklanma bildirilýän türgenleriniň reýtingini hödürledi

SportsPro žurnaly 2025-nji ýylyň iň köp isleg bildirilýän türgenleriniň reýtingini hödürledi. Sanawy düzüjiler isleg görkezijisini üç ölçeg: şahsy brendiň güýji, ykdysady mümkinçilikler we elýeterli bazar gurşawy, ýagny öz sport görnüşinde gazanç mümkinçiligi boýunça hasaplady...

22.10.2025 20:05
792

Halkara tennis federasiýasy adyny World Tennis diýip üýtgeder

2026-njy ýyldan başlap Halkara tennis federasiýasy (International Tennis Federation, ITF) täze — World Tennis — atlandyrylar diýip, guramanyň metbugat gullugy habar berýär. Adyny üýtgetmek baradaky karary ITF-iň düzümine girýän milli tennis birleşikleriniň köpüsi goldady...

17.10.2025 11:37
6.4k+

102 ýaşly we 97 ýaşly tennisçiler taryhda iň garrylaryň tennis duşuşygyny geçirdiler

Amerikaly Artur Lind bilen awstraliýaly Genri Ýang tennis taryhyna girip, iň garry oýunçylaryň arasyndaky duşuşygy geçirdiler. Bu barada Halkara Tennis Federasiýasynyň (ITF) metbugat gullugy habar berdi. 102 ýaşly Ýang we 97 ýaşly Lind Horwatiýanyň Bol şäherinde geçirilen ITF World Championship ýaryşynyň çärýek finalynda duşuşdylar...

04.10.2025 15:28
2k+

ATP-nyň Jemleýji ýaryşynyň baýrak gaznasy rekord derejä — 15,5 million dollara ýetdi

Professional tennisçiler assosiasiýasy (ATP) 2025-nji ýylda geçiriljek ATP-nyň Jemleýji ýaryşynyň baýrak gaznasyny mälim etdi. Bu ýylky baýrak gaznasy ýaryşyň taryhyndaky iň ýokary görkeziji bolup, 15,5 million dollara deň boldy...