Ýaponiýaly dzýudoçy Sýoheý Ono Tokiodaky Olimpiýa oýunlarynda 73 kg çenli agram kategoriýasynda final tutluşygynda Gruziýanyň wekili Laşa Şawdatuaşwilini ýeňdi. Bürünç medallara Sogbaatar Send-Oçir (Mongoliýa) we An Çan Lim (Günorta Koreýa) mynasyp boldy.
29 ýaşly Ono iki gezek Olimpiýa çempiony boldy, mundan öň ol 2016-njy ýylda Rio-de-Žaneýroda geçirilen Oýunlarda altyn medal gazanypdy. Şeýle-de, onuň hasabynda dünýä çempionatlarynda alty ýeňşi bar.
Şawdatuaşwili 29 ýaşynda, geçen Oýunlarda ol bürünç medala mynasyp bolupdy. Mundan öň gruziýaly türgen 66 kg çenli agram kategoriýasynda çykyş edýärdi, şonda ol 2012-nji ýylda Londondaky Olimpiadada ýeňiji boldy. Ol iki gezek dünýä çempiony we üç gezek Ýewropa çempionydyr.
Ýaponiýanyň milli ýygyndysy ýedi altyn, bir kümüş we üç bürünç medal bilen umumy sanawda ikinji orna çykdy. Sanawda ABŞ-nyň milli ýygyndysy (7-3-4) öňde barýar, üçünji orny Hytaýyň topary (6-3-6) eýeleýär.
