Günorta Koreýanyň wekilleri Çže Dok Kim we An San ýaý bilen atmak boýunça garyşyk topar ýaryşynda Tokioda dowam edýän Olimpiýa oýunlarynyň altyn medalyny gazandylar.
Finalda Günorta Koreýanyň türgenleri Niderlandiýanyň milli ýygyndysy bolan Gabriela Baýardo bilen Stiw Weýleri utdy. Duşuşyk 5:3 hasabynda tamamlandy. Bu altyn Ýaponiýadaky Oýunlarda koreýalylar üçin ilkinji boldy.
Bürünç medaly meksikalylar Alehandra Walensiýa bilen Luis Alwares aldy. Olar türk ýaý atyjylary Ýasemin Anagoz bilen Mete Gazozdan üstün çykdylar. Hasap 6:2 boldy.
Kseniýa Perowa bilen Galsan Bazaržapowdan ybarat bolan rus topary 1/8 finalda ýaryşdan çykdylar.
