Olimpiýa oýunlary: «Has tiz, has ýokary, has güýçli — bilelikde» — täze şygar

  • 21.07.2021 01:32
  • 3.3k+

20-nji iýulda Tokioda geçirilen Halkara Olimpiýa komitetiniň 138-nji mejlisinde Olimpiýa oýunlarynyň şygary biragyzdan üýtgedildi. Dünýäniň iň iri sport baýramçylygynyň «Has tiz, has ýokary, has güýçli» şygary indiden beýläk «Has tiz, has ýokary, has güýçli — bilelikde» görnüşde ýaňlanar. Bu barada dünýäniň iri habar beriş serişdeleri tarapyndan ýaýradylan habarlarda maglumat berildi.  

Olimpiýa oýunlarynyň täze şygary Halkara Olimpiýa komitetiniň ýolbaşçysy Tomas Bah tarapyndan teklip edildi. HOK-nyň mejlisinde Bah oýunlaryň şygarynyň üýtgedilmegini taryhy waka hökmünde häsiýetlendirdi.
Dünýäniň iri habar beriş serişdeleri HOK-nyň resmi wekili Mark Adamsyň näme sebäpden Olimpiýa oýunlarynyň şygarynyň üýtgedilendigi baradaky sözlerini getirýär. «Şygaryň ideýasy sportda we adaty durmuşda gurşap alýan toparyň bolmazdan, seniň has tiz, has ýokary we has güýçli bolup bilmejekdigiňi düşündirmekde jemlenýär. Olimpiýa gymmatlyklary diňe bir şahsy meşhurlyk gazanmakda däl, elbetde, ol hem möhüm, ýöne, goý, ol tälimçiň, maşgalaň bolsun ýa-da lukman — seni gurşap alýan toparyňda jemlenýär. Şygaryň üýtgedilmegi, eger sen tiz gitmek isleseň, ony özbaşdak amala aşyr, ýöne uzaga gitmek isleseň, bilelikde gitmek möhümdir diýen pikiri açyp görkezmek bilen baglydyr» diýip, Mark Adams belledi.
Ýeri gelende bellesek, «Has tiz, has ýokary, has güýçli» (Citius, altius, fortius) şygary häzirki zaman Olimpiýa oýunlaryny esaslandyryjy Pýer de Kuberten tarapyndan teklip edilip, 1894-nji ýylda birinji Olimpiýa kongresi tarapyndan tassyklanyldy. Şygaryň awtorlygy Kuberteniň egindeşi, fransuz ruhanysy Anri Didona degişlidir. Bu şygar 1924-nji ýylda Parižde geçirilen Olimpiýa oýunlarynda ilkinji gezek ýaňlandy. 


05.05.2025 15:19
4.9k+

Ýaponiýaly boksçy Naoýa Inoue dördünji gezek absolýut çempion titulyny gorady

Las-Wegasda (ABŞ) 5-nji maýa geçilen gije professional boks agşamy geçirildi. Agşamyň esasy söweşinde ýaponiýaly Naoýa Inoue amerikaly Ramon Kardenasy tehniki nokaut bilen ýeňdi we yzygider dördünji gezek ikinji ýeňil agramda absolýut çempion adyny gorady...

11.04.2025 16:52
5.3k+

Olimpiada-2028-däki futbol ýaryşynda erkekler topary az, zenanlar topary köp bolar

Halkara Olimpiýa komiteti (HOK) Los-Anjelesde geçiriljek Olimpiada-2028-e gatnaşjak futbol boýunça erkekler ýygyndylarynyň sanyny azaltdy. Bu barada HOK-yň sport direktory Kit Makkonnell habar berdi. Ýaryşda öňki...

06.04.2025 16:09
1.9k+

Maks Werstappen Ýaponiýanyň Gran-prisinde yzly-yzyna dördünji gezek ýeňiji boldy

27 ýaşly niderlandly ýaryş sürüjisi hem-de Formula-1-iň dört gezek çempiony Maks Werstappen «Red Bull» toparynyň wekili hökmünde «Suzuka» ýaryş ýolunda geçirilen Ýaponiýanyň Gran-prisinde yzly-yzyna dördünji ýeňşini...

24.03.2025 11:03
2.4k+

Boks Los-Anjelesde geçiriljek Olimpiýa oýunlarynyň maksatnamasyna gaýdyp geldi

Boks 2028-nji ýylda Los-Anjelesde geçiriljek tomusky Olimpiýa oýunlarynyň programmasyna resmi taýdan goşuldy. Çözgüt Halkara olimpiýa komitetiniň (HOK) Kosta-Nawarinoda (Gresiýa) geçirilen 144-nji sessiýasynda...