Nýu-Ýorkda ýekşenbe güni, 4-nji iýulda, ABŞ-nyň Garaşsyzlyk güni mynasybetli hot-doglary iýmek boýunça nobatdaky halkara ýaryşy geçirildi diýip, ESPN teleýaýlymy habar berdi. Muny Day.Az ýetirýär.
1972-nji ýyldan bäri Nathan’s amerikan garbanyşhana ulgamy tarapyndan gurnalýan ýaryşda amerikan Joui Çestnat ýeňiji boldy. Ol on minudyň içinde 76 hot-dog iýip, özüniň öňki rekordyny täzeledi. 2020-nji ýylda Çestnat 75 hot-dog iýipdi.
Umuman, bu rekord eýesiniň ýaryşlarda 14-nji ýeňşidir.
Şeýle ýaryş aýallaryň arasynda hem geçirildi. Onda on minutda 30 ýarym hot-dog iýen Mişel Lesko ýeňiji boldy. Şol bir wagtyň özünde Miki Sudonyň 2020-nji ýylda goýan rekordy (48 ýarym hot-dog) saklandy. Bu ýyl Sudo göwreliligi sebäpli, ýaryşa gatnaşyp bilmedi.
Belläp geçsek, ýeňijiler 10 müň dollar pul baýragyndan başga-da, guşak hem alýarlar: erkekler – goňrumtyl reňkli, aýallar – gülgüne reňkli. Ikinji ýer üçin bäş müň dollar, üçünji ýer üçin 2,5 müň dollar tölenýär.
