Braziliýanyň milli ýygyndysy futbol boýunça Amerikanyň Kubogy ugrundaky ýaryşyň ýarym finalynda Peruny 1:0 hasabynda ýeňdi. Oýunda ýeke-täk pökgini 35-nji minutda Lukas Paketa geçirdi.
Toparlaýyn tapgyryň netijeleri boýunça braziliýalylar B toparda birinji orny eýeläpdiler. Ýaryşyň barşynda olar Wenesuelany (3:0), Peruny (4:0) we Kolumbiýany (2:1) hasabynda ýeňdiler, Ekwador bilen deňme-deň (1:1) oýnadylar, çärýek finalda Çiliden 1:0 hasabynda üstün çykdylar.
11-nji iýulda geçiriljek final duşuşygynda braziliýalylar Argentina - Kolumbiýa (7-nji iýul) oýnunyň ýeňijisi bilen duşuşar.
Koronawirus pandemiýasy zerarly 2020-nji ýylda ýatyrylan Amerikanyň Kubogy ýaryşy ilkibaşda Argentinada we Kolumbiýada geçirilmelidi. 31-nji maýda ýaryşyň Braziliýada geçiriljekdigi habar berildi.
