Ýewropa çempionaty - 2020-niň çäginde Çehiýa 1/8 final tapgyrynda Niderlandlardan 2:0 hasabynda üstün çykdy. Duşuşyk Budapeştdäki «Ferens Puşkaş» stadionynda geçirildi.
Gollary 68-nji minutda Tomaş Goleş we 80-nji minutda Patrik Şik geçirdi. Şik dört goly bilen ýaryşyň bombardirleriniň sanawynda Kriştianu Ronaldudan (bäş gol) soňra ikinji orna çykdy. Oýnuň 55-nji minudynda russiýaly emin Sergeý Karasýow Niderlandlaryň goragçysy Matteýs de Ligti jerime meýdançasynyň golaýynda el bilen oýnandygy üçin gyzyl duýduryş berip oýundan çykardy.
Çärýek finalda Çehiýa 3-nji iýulda Bakuda Daniýanyň milli ýygyndysy bilen duşuşar.
