4G internetli we Wi-Fi-da işleýän düwmeli telefon tanyşdyryldy

  • 19.06.2021 18:14
  • 13k+
4G internetli we Wi-Fi-da işleýän düwmeli telefon tanyşdyryldy

Häzir biziň hemmämizde iň döwrebap smartfonlar bar ýaly. Ýöne şonda-da ilkibaşda döredilen düwmeli telefonlar hem aramyzda ýaşamagyny, şol bir wagtda ösmegini dowam edýär. Şu ugurda Nokia smartfonlary has uly meşhurlyga eýe. Şeýle-de bolsa, öz mümkinçiliklerine ünsi çekmek isleýän başga önüm öndürijiler hem bar. itel Mobile kompaniýasy hem şolaryň biri.

Ferra.ru golaýda itel Mobile kompaniýasynyň «Itel Magic» diýip atlandyrylan täze düwmeli telefonlaryny öndürip başlandygyny habar berýär. Bu telefonlar diňe bir 4G mobil aragatnaşygynda işlemek ukybyna eýe bolman, eýsem, interneti Wi-Fi arkaly paýlamak mümkinçiligine hem eýedir.
Gizmochina-nyň habar berşi ýaly, bu enjamlarda 2,4 dýuýmly QVGA displeý we 1,3 megapiksellik esasy kamera bar. Itel Magic telefonlarynyň bahasy bolsa bary-ýogy 32 dollara deň.

Kembrijde CO₂-ni peýdaly çig mala öwürýän “emeli ýaprak” döretdiler
11.11.2025 15:19
3.6k+

Kembrijde CO₂-ni peýdaly çig mala öwürýän “emeli ýaprak” döretdiler

Kembrij uniwersitetiniň alymlary Gün şöhlesiniň täsiri astynda kömürturşy gazyny (CO₂) we suwy peýdaly himiki maddalara öwrüp bilýän ýarym sintetik “emeli ýapragy” döredendiklerini habar berdiler. Bu enjam tebigy fotosinteziň iş prinsipini gaýtalaýar we zäherli katalizatorlary ulanmaýar, şonuň bilen hem ekologiýa taýdan arassa hasaplanýar diýip, SciTechDaily ýazýar...

Günorta koreýaly alymlar robotlar üçin çeýe we örän güýçli emeli myşsa döretdiler
10.11.2025 13:10
5.2k+

Günorta koreýaly alymlar robotlar üçin çeýe we örän güýçli emeli myşsa döretdiler

Ulsandaky Milli Ylym we Tehnologiýa Institutynyň  (UNIST) alymlary robotlar üçin täze görnüşli emeli myşsa taýýarladylar. Bu material ynsan we haýwan myşsalaryndaky ýaly çeýeligi we berkligi özünde jemleýär. Hasaplamalara görä, eger adam şeýle myşsalara eýe bolsady, ol bir eli bilen pil saklap biljekdi...

Ysmaz adam Neuralink-iň kömegi bilen daş-töweregi görüp başlady
09.11.2025 19:12
4.7k+

Ysmaz adam Neuralink-iň kömegi bilen daş-töweregi görüp başlady

Neuralink-iň hassasy Bred Smit görmekden mahrum bolmandy, ýöne amiotrofik gapdal sklerozy sebäpli ol kellesini hereket etdirip bilenokdy. Ýöne ol beýni implantyny ulanmagyň täze usulyny tapdy. Indi ol Neuralink-i ýörite berkidilen web-kamerany dolandyrmak üçin ulanýar...

Hytaýly alymlar iýmitiň ajylygyny “duýup” bilýän emeli dil döretdi
05.11.2025 10:07
3.3k+

Hytaýly alymlar iýmitiň ajylygyny “duýup” bilýän emeli dil döretdi

Hytaýda alymlar iýmitleriň ajylygyny çalt we takyk ölçemäge ukyply emeli diliň prototipini taýýarladylar. Bu barada Phys.org habar berýär. Enjam kapsaisini — ajy burçuň, sarymsagyň, zenjebiliň we beýleki ajyly maddalaryň ýakýan tagamyny döredýän birleşmäni — hem-de şol topardaky beýleki maddalary anyklamaga mümkinçilik berýär...