2021-nji ýylyň başky bäş aýynda Türkmenistanyň Senagatçylar we telekeçiler birleşiginiň agzalary 2020-nji ýylyň degişli döwri bilen deňeşdirilende 86,7% köp miwe we gök önüm ýygnady. Bu barada ORIENT tarapyndan habar berilýär.
Hususylaşdyrylan daýhan birleşikleri häzirki zaman tehnologiýalaryny we suw çeşmelerini tygşytly peýdalanmak arkaly önümçiligiň netijeliligini ýokarlandyrdylar.
Ýazky ekişlerden TSTB-niň agzalary 150 müň tonnadan gowrak dürli oba hojalyk önümlerini ýygnamagy meýilleşdirýärler.
59 müň 566 tonna ýeralma, pomidor, hyýar, sogan, bulgar burçy, kelem, käşir, şugundyr we beýleki gök önümleri almaga garaşylýar. Miwe we üzüm - 44 müň 593 tonna.
891,5 tonna mäş we tüwi ýygnamak meýilleşdirilýär. Mekgejöwen, soýa, arpa we ş.m. - 63 müň 867 tonna.
Ýatlatsak, sişenbe güni Türkmenistanyň Prezidenti Gurbanguly Berdimuhamedow ykdysadyýetiň hususy bölegine döwlet tarapyndan maliýe goldawy barada karara gol çekdi. Bu resminama oba hojalygynyň öndürijilerine häzirki zaman enjamlaryny, ýokary hilli ekiş materiallaryny, ýokary tehnologiýaly ýyladyşhanalary gurmak we ş.m. satyn almak üçin maliýe kömegini bermegi göz öňünde tutýanlygy bilen hususy oba hojalygynyň ösmegine oňyn täsir etmek üçin niýetlenendir.
