Beýik Britaniýada geçiriljek Uly ýediligiň (G7) ýurtlarynyň sammitiniň öňüsyrasynda Nobel baýragynyň eýeleriniň 120-den gowragy ýörite Jarnama gol çekdiler. Onda dünýä ýurtlarynyň döwlet we hökümet ýolbaşçylaryna howanyň üýtgemegi bilen bagly tagallalary işjeňleşdirmäge çagyryş beýan edilýär. Bu barada dürli habarlar gulluklarynyň maglumatlaryna salgylanyp, Trend agentligi ýazýar.
«Dünýä ýüzi biosferanyň üýtgemeginiň uzaga çekýän we yzyna gaýtaryp bolmajak töwekgelçiligi bilen ýüzbe-ýüz bolýar. Olary yzyna gaýtarmak üçin bolsa wagt gidýär» — diýip, resminamada bellenilýär. Şoňa görä-de, Nobel baýragynyň eýeleri döwlet we hökümet ýolbaşçylaryny, çenli näçe çalt boldugyndan, 2030-njy ýyla çenli parnik gazlarynyň goýberilişini iki essä çenli azaltmaga çagyrýar.
Şu ýylyň aprel aýynyň ahyrynda Nobel baýragynyň eýeleri hem-de ylym, ykdysadyýet, syýasat, medeniýet we beýleki ulgamlaryň wekilleri üstümizdäki onýyllykda hemmeler üçin has oňat geljegi üpjün etmek boýunça görülmeli çäreler barada pikir alyşdylar. Meşhur alym Ýohan Rokstrýomyň aýtmagyna görä, şu wagta çenli Nobel baýragynyň eýeleri tarapyndan adamzada beýle aýdyň ýüzlenilmedi. Olar biziň ýolberilmesiz töwekgelçilik bilen ýüzbe-ýüz bolýandygymyz hakynda umumy pikire geldiler. Töwekgelçilikler uly, şoňa görä-de, zerur bolan çäreler hem görlüp-eşidilmedik bolar.
