Ispaniýanyň häkimiýetleri syýahatçylaryň ýurda girmek ygtyýaryny ýene-de giňeltdi. 7-nji iýundan ýurda dünýäniň ähli künjeginden syýahatçylar baryp biler. Bu barada runews24.ru habar berýär.
Ilkinji nobatda, bu koronawirusa garşy sanjym alan daşary ýurtlulara degişli. Syýahatçy derman serişdeleri boýunça Ýewropa komissiýasy tarapyndan tassyklanan sanjymlary almalydyr. “Sputnik V” sanjymy Ispaniýada tassyklanan sanjymlaryň sanawynda heniz ýok. Ol häzirki wagtda gözden geçirilýär we bellige alynýar.
Ýewropa bileleşiginiň COVID-howpsuzlyk sanawyna girizilmedik üçünji ýurtlardan gelen syýahatçylar hökman otrisatel PZR-barlagyny görkezmeli. Şeýle-de, adamyň uçuşdan 2 hepde öň sanjym alandygyny delillendirýän lukmançylyk şahadatnamasyny bermeli bolar. Ýaponiýa, Awstraliýa we Täze Zelandiýa ýaly ýurtlary öz içine alýan “ýaşyl” sanawdan bolan syýahatçylara otrisatel barlag netijesi bolmasa hem girişe rugsat berilýär.
Ispaniýanyň häkimiýetleri bu “açyklygyň” esasynda optimistik çaklamalary öňe sürýärler. Ispaniýanyň premýer-ministri Pedro Sançes şu tomus syýahatçylaryň sanynyň koronawirusdan öňki derejesiniň 30-40%-ine ýetip biljekdigini çaklaýar. Syýahatçylygyň goşandy bilen ýurduň JIÖ-i hem gowulaşar we ýylyň ahyryna çenli 70%-e çenli ýokarlanyp biler.
