Bäsleşigiň guramaçylarynyň penşenbe güni beren habaryna görä, şu ýyl çagalaryň "Ýewrowideniýesi" Fransiýanyň paýtagty Pariž şäherinde geçiriler. Bu barada Sputnik gullugy habar berdi.
"Çagalaryň "Ýewrowideniýesi" Parižde geçiriler! Onuň resmi şygary "Göz öňüne bir getir!" bolar" - diýip, guramaçylar "Twitterde" habar berdiler.
Ýeri gelende bellesek, resmi şygar ýaryşda geçen ýyl ýeňiji bolan fransiýaly gyzjagaz Walentina Troneliň "J'imagine" aýdymynyň ady bilen gabat gelýär.
Ýaryş 2020-nji ýylda pandemiýa sebäpli onlaýn ýagdaýda geçirilipdi. Şonda çagalary we olaryň topar agzalaryny koronawirusdan goramak maksady bilen gatnaşýan, ähli çykyşlar her bir gatnaşyjy ýurtdaky studiýada ýerine ýetirilipdi. “Ýewrowideniýäniň” warşawaly alyp baryjylary bolsa sosial aralygy saklamak bilen, ýaryşy biri-birinden uzakda durup alyp barypdylar.
