Sharp iň uly kameraly smartfony tanyşdyrdy

  • 18.05.2021 21:16
  • 15k+
Sharp iň uly kameraly smartfony tanyşdyrdy

Dünýäde iň uly kameraly smartfon - 1 dýuýmlyk şekil datçigi bilen enjamlaşdyrylan "Sharp Aquos R6" tanyşdyryldy. Bu barada msn.com habar berdi.

"Sharp Aquos R6"-daky şekil datçiginiň “Mi 11 Ultra”-da ulanylandan has uludygy bellendi. Ýadymyzda bolsa, “Mi 11 Ultra”-da optiki formatda 1/1,12 dýuýmlyk "Samsung GN2" datçigi oturdylypdy.
Gyzykly tarapy, iň uly şekil datçikli “Sharp Aquos R6”nyň iň ýokary mümkinçiligi 20.2 megapikselden aňry geçmedi. Smartfonyň kamera ulgamynda 3D ToF moduly hem bar.  Ýeri gelende aýtsak, kamerada “Leica Summicron” obýektiwi ulanylýar.
“Sharp Aquos R6”-nyň galan aýratynlyklary hem öňe tutarlyk bar. Onda “Snapdragon 888” prosessory, WUXGA+ durulykly (2730x1260 piksel) we kadr ýygylygy 240 Hz bolan 6,6 dýuýmlyk süýndürilen OLED ekrany ornaşdyrylypdyr. Enjam 5000 mAh akkumulýator bilen hem üpjün edilipdir.
Smartfonyň satuwynyň iýun aýynyň ikinji ýarymynda başlanmagyna garaşylýar.

Kondisionerler barha akyllanýar: LG-iň täze modelleriniň şemaly adama görä «öwüsýär»
düýn 11:34
2.8k+

Kondisionerler barha akyllanýar: LG-iň täze modelleriniň şemaly adama görä «öwüsýär»

LG Electronics kompaniýasy Koreýanyň bazaryna kondisionerleriň täze LG Whisen Objet Collection Tower 1 we View 1 Pro modellerini çykardy. Enjamlar«AI Cold Free» tehnologiýasy bilen üpjün edilensoň, olar sowuk howany otagdaky adamlaryň üstüne gönümel üflemän, eýsem jaýy giňişleýin sowatmagy başarýar...

Howa arkaly 120 Gbit/s: alymlar örän çalt işleýän simsiz maglumat ugradyş ulgamyny döretdiler
düýn 03:15
2.2k+

Howa arkaly 120 Gbit/s: alymlar örän çalt işleýän simsiz maglumat ugradyş ulgamyny döretdiler

Irwaýndaky Kaliforniýa uniwersitetiniň (UC Irvine) barlagçylary maglumatlary sekuntda 120 Gbit (takmynan sekuntda 15 gigabaýt) tizlikde geçirmäge ukyply simsiz kabul ediji-geçirijini işläp düzdüler. Deňeşdirmek üçin: «Wi-Fi 7» ulgamynyň nazary taýdan iň ýokary çägi 30 Gbit/s töweregi, «5G mmWave» aragatnaşyk ulgamynyňky bolsa 5 Gbit/s çenli ýetýär...

Şanhaýda robotlar üçin bogun öndürýän dünýäde ilkinji zawod açyldy
düýn 03:01
1.2k+

Şanhaýda robotlar üçin bogun öndürýän dünýäde ilkinji zawod açyldy

Şanhaýda adamşekilli robotlar üçin elleriň, aýaklaryň we beýleki «beden agzalarynyň» hereketine jogap berýän bogunlary öndürmäge ýöriteleşdirilen dünýäde ilkinji zawod işe girizildi. Bu barada South China Morning Post neşiri habar berýär...

Singapur emeli aňy ösdürmek üçin 786 million dollardan gowrak serişde sarp eder
29.01.2026 19:40
3.9k+

Singapur emeli aňy ösdürmek üçin 786 million dollardan gowrak serişde sarp eder

Singapur emeli aň ulgamynda gözlegleri we işläp taýýarlamalary maliýeleşdirmegiň Milli meýilnamasyna (NAIRD) 1 mlrd Singapur dollaryndan ($786 mln) gowrak serişde gönükdirer. Bu barada Singapuryň Sanly ösüş we maglumat ministrligi (MDDI) habar berýär diýip, Channel News Asia belleýär...