Türkmenistanyň we Russiýa Federasiýasynyň Prezidentleri telefon arkaly söhbetdeşlik geçirdiler

  • 27.04.2021 05:31
  • 32k+
Türkmenistanyň we Russiýa Federasiýasynyň Prezidentleri telefon arkaly söhbetdeşlik geçirdiler

26-njy aprelde Türkmenistanyň Prezidenti Gurbanguly Berdimuhamedow bilen Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik geçirildi.

Söhbetdeşligiň başynda Wladimir Putin Türkmenistanyň Prezidentine kakasynyň aradan çykandygy zerarly çuňňur gynanjyny bildirdi.
Russiýa Federasiýasynyň Prezidentiniň resmi saýtynda habar berilmegine görä, söhbetdeşligiň dowamynda  türkmen-rus strategik hyzmatdaşlyk gatnaşyklarynyň üstünlikli ösdürilýändigi bellenilip, ikitaraplaýyn hyzmatdaşlyga degişli birnäçe möhüm ugurlar ara alnyp maslahatlaşyldy. Iki ýurduň döwlet Baştutanlary koronawirus ýokanjyna garşy bilelikde göreş almak barmak babatda hem pikir alyşdylar.
Şeýle hem Hazarýaka ýurtlaryň döwlet Baştutanlarynyň 6-njy sammitine hem-de ikinji Hazar ykdysady Foruma görülýän taýýarlyklar hem maslahatlaşyldy. Bu ýokary derejedäki sammitleri şu ýyl geçirmek göz öňünde tutulýar.

Türkmenistanyň DIM-nde Awstriýa-Türkmen jemgyýetiniň ýolbaşçysy bilen duşuşyk geçirildi
düýn 12:28
1.5k+

Türkmenistanyň DIM-nde Awstriýa-Türkmen jemgyýetiniň ýolbaşçysy bilen duşuşyk geçirildi

15-nji dekabrda Türkmenistanyň daşary işler ministriniň orunbasary Mähri Bäşimowa Awstriýa-Türkmen jemgyýetiniň ýolbaşçysy Neda Berger bilen duşuşyk geçirdi. Türkmenistanyň DIM-niň habar bermegine görä, duşuşygyň dowamynda taraplar iki ýurduň arasyndaky gatnaşyklaryň, aýratyn-da, medeni-ynsanperwer ugurda hyzmatdaşlygyň netijeli häsiýete eýedigini bellediler...

Türkmenistan BMG-niň Siwilizasiýalaryň bileleşiginiň 11-nji Ählumumy forumyna gatnaşdy
düýn 12:24
1.1k+

Türkmenistan BMG-niň Siwilizasiýalaryň bileleşiginiň 11-nji Ählumumy forumyna gatnaşdy

14-nji dekabrda Türkmenistanyň daşary işler ministriniň orunbasary Ahmet Gurbanowyň ýolbaşçylygyndaky türkmen wekiliýeti Saud Arabystany Patyşalygynyň Er-Riýad şäherinde geçirilýän Siwilizasiýalaryň bileleşiginiň (UNAOC) 11-nji Ählumumy forumyna gatnaşdy...

Türkmenistan Owganystan boýunça Tähranda geçirilen maslahatlara gatnaşdy
düýn 11:58
4.4k+

Türkmenistan Owganystan boýunça Tähranda geçirilen maslahatlara gatnaşdy

Türkmenistan 14-nji dekabrda Tähranda Owganystan boýunça geçirilen ýokary derejeli sebit duşuşygyna gatnaşdy. Maslahatyň esasy maksady — ýurtdaky ýagdaýy kadalaşdyrmak üçin sebitara çemeleşmeleri utgaşdyrmakdan ybarat boldy...

Sanly hyzmatlary eksport edýän iň iri ýurtlaryň sanawy düzüldi: bazaryň göwrümi 4,8 trillion dollara ýetdi
düýn 11:24
1.5k+

Sanly hyzmatlary eksport edýän iň iri ýurtlaryň sanawy düzüldi: bazaryň göwrümi 4,8 trillion dollara ýetdi

Geçen ýyl dünýäde sanly hyzmatlaryň eksporty 4,8 trillion dollara ýetdi. Bu görkeziji global hyzmatlar eksportynyň umumy göwrüminiň üçden iki böleginden gowragyny düzýär. Bütindünýä Söwda Guramasynyň (BSG) maglumatlaryna görä düzülen 30 sany öňdebaryjy ýurduň sanawynda ABŞ birinji orny eýeledi...