“Barselona” Messä “2+1” ulgamy boýunça täze şertnama hödürlär

  • 26.04.2021 23:13
  • 11k+

“Barselonanyň” prezidenti Žoan Laporta Lionel Messini klubda galdyrmak üçin täze üç ýyllyk şertnamanyň üstünde işleýär diýip, ESPN telewizion ýaýlymy habar berýär. Muny euro-football.ru ýetirýär.

Katalon klubunyň prezidenti indi Messä häzirki wagtda gazanýan hakyny – ýylda arassa 75 million ýewro töläp bilmejekdigini we ony klubda saklap galmak üçin dürli mümkinçilikleri öwrenýändigini aýdýar.
Laportanyň pikiri Messä çökgünlikden soň aýlyk hakynyň azaldylmagynyň öwezini dolmak üçin uzak möhletli şertnamany hödürlemekde jemlenýär.
Şertnamasynyň möhleti iýun aýynyň ahyrynda tamamlanýan Messi öň öz duýgularyna we “Barselonada” hereket edýän sport taslamasyna esaslanyp, şertnamany bir ýyl uzaltmagy makul hasaplapdy. Ýöne, çeşmäniň habar bermegine görä, Laporta çökgünlik döwründe beýle şertnamanyň şertlerini berjaý edip bilmeýär, şonuň üçinem Messini ýene bir möwsüm uzaltmak mümkinçiligini öz içine aljak iki ýyllyk şertnama baglaşmaga razy etmäge çalyşýar.
Ispaniýanyň çempionatynyň häzirki ýaryşynda Lionel Messi 29 oýna gatnaşdy, olarda 25 goly we dokuz netijeli geçirimi bilen tapawutlandy.

şu gün 10:14
783

“Bawariýa” adidas-dan täze öý eşigini görkezdi

Mýunheniň “Bawariýasy” 2025/2026 möwsümi üçin täze öý eşigini hödürledi. Klubuň tehniki hemaýatkäri bolup Germaniýanyň adidas kompaniýasy çykyş edýär. Täze eşik toplumy adaty gyzyl-ak reňklerde ýerine ýetirildi, ýöne onda “M” harpyny emele getirýän özboluşly “glitç” effekti bar...

düýn 22:04
1.2k+

2026-njy ýylyň “Formula-1” möwsüminde Madridde hem ýaryş geçiriler

Halkara awtomobil federasiýasy (FIA) we “Formula-1-iň” ýolbaşçylygy 2026-njy ýyl möwsüminiň dünýä çempionatynyň senenamasyny hödürledi. Geçenki üç ýylda bolşy ýaly jemi 24 ýaryş meýilleşdirilýär. Möwsüm 6-8-nji martda Awstraliýadaky tapgyrdan başlar we 4-6-njy dekabrda Abu-Dabide tamamlanar...

düýn 09:44
8.9k+

ABŞ-da täze görnüşde Klublaýyn dünýä çempionaty başlaýar: ýaryş barada bilmeli zatlar

15-nji iýundan 13-nji iýul aralygynda ABŞ-da 2025-nji ýylyň futbol boýunça Klublaýyn dünýä çempionaty geçiriler. Taryhda ilkinji gezek ýaryş alty kontinental konfederasiýadan 32 toparyň gatnaşmagynda giňeldilen görnüşde geçer...

11.06.2025 22:36
6.9k+

Transfermarkt La Liga klublarynyň düzüm bahalaryny täzeledi: “Real” – birinji, “Barselona” – ikinji

Transfermarkt portaly ispan La Ligasynyň klublarynyň düzümleriniň bahalary boýunça maglumatlary täzeledi. Reýtingde birinji orny oýunçylarynyň umumy bahasy 1,33 mlrd ýewro bolan Madridiň “Realy” eýeledi. “Barselona” 1,07 mlrd ýewro bilen ikinji orunda ýerleşdi...