Dermatolog Irina Skorogudaýewa dyrnaklardaky üýtgeşmelerden çen tutup, saglyk bilen bagly birnäçe meseleleri anyklap boljakdygyny aýtdy. "Radio 1" bilen geçirilen söhbetdeşlikde haýsy keselleri dyrnakdan tanap boljakdygyny aýtdy. Bu barada tuapsevesti.ru habar berdi.
Lukman sagdyn dyrnaklaryň tekiz we ýalpyldawuk görünmelidigini aýdýar. Sebäbi dyrnaklarymyz bedendäki dürli üýtgeşmelere gaty duýgur gurluşa eýedir. Olar ýürek-damar keselleri we başga-da birnäçe keseller sebäpli üýtgäp biler.
“Ateroskleroz ýaly agyr patologiýa dyrnaklaryň formasyny hökmany suratda üýtgedýär, uzynlygyna we keseligine çyzmyklar hem emele gelip bilýär. Öýken keselleri, endokrin ulgamynyň keselleri bolan ýagdaýynda dyrnaklar üýtgäp biler"-diýdi.
Beýleki zatlar bilen birlikde, böwrek ýetmezçiligi sebäpli dyrnaklaryň ýagdaýy hasam erbetleşip biler. Hususan-da, bu ýagdaýda olaryň reňki üýtgäp biler. Şol bir wagtyň özünde, dyrnaklardaky ak tegmiller A, B3 we B6 ýaly birnäçe witaminleriň ýetmezçiligini görkezip biler.
