Döwletjan Ýagşymyradowyň Kori Anderson bilen söweşi yza süýşürildi

  • 28.03.2021 11:02
  • 34k+

Döwletjan Ýagşymyradowyň (Türkmenistan) Kori Anderson (ABŞ) bilen söweşi 2021-nji ýylyň 16-njy apreline süýşürildi diýip, Bellator ligasynyň metbugat gullugy habar berýär.

Ilkibaşda, söweşi 9-njy aprelde geçirmek meýilleşdirilýärdi. Emma liga meýilnamasyny üýtgedip, bu duşuşygy Bellator 257 ýaryşynyň çäginde geçirmek kararyna geldi. Netijede söweş 2021-nji ýylyň 16-njy aprelinde ABŞ-nyň Konnektikut ştatynyň Ankaswille şäherinde Mohegan Sun Arenasynda geçiriler.
Döwletjan özüniň soňky söweşini 2019-njy ýylyň dekabrynda ACA ligasynda geçirip, eminleriň karary bilen russiýaly Alekseý Butorini ýeňdi we ikinji gezek çempionlyk adyny gorady. Ildeşimiziň bassyr sekiz gezek bäri yzly-yzyna ýeňiş gazanyp gelýändigini bellemek gerek.
Döwletjanyň Bellatordaky ilkinji garşydaşy 31 ýaşly Kori Anderson 2013-nji ýyldan bäri professional derejede çykyş edip gelýär. Ol, esasanam, UFC-däki çykyşlary bilen, şeýle hem The Ultimate Fighter realiti-şounyň 19-njy möwsüminiň ýeňijisidigi bilen tanalýar.
Döwletjan Ýagşymyradow — Kori Anderson söweşine Okko onlaýn platformasynda hem-de «Матч ТВ» teleýaýlymynda tomaşa edip bilersiňiz.
Ýatlatsak, Bellator ýarym agyr agram derejesinde gran-pri geçirýändigini yglan etdi. Onuň ýeňijisine çempionlyk guşagy we 1 million amerikan dollary berler. Söweş tory 8 söweşijiden düzülip, çärýek final duşuşyklaryndan başlanar. Titulyň häzirki eýesi — russiýaly Wadim Nemkow birinji raundda 16-njy aprelde Fil Dewis bilen duşuşar. Olaryň birinji duşuşygy 2018-nji ýylyň noýabrynda Nemkowyň ýeňşi bilen tamamlanypdy.
Ýarym final duşuşyklar iýulda, final bolsa 2021-nji ýylyň oktýabrynda geçiriler.


21.08.2025 16:34
13k+

UFC-niň täze çempiony Hamzat Çimaýew dünýäniň iň gowy söweşijileriniň bäşligine girdi

Orta agramda UFC-niň çempiony Hamzat Çimaýew täzelenen Pound4Pound (P4P) reýtinginde dördünji orny eýeledi. BAE-den ýeňilmedik söweşiji UFC 319 ýaryşynda geçirilen titul söweşinde GAR-yň wekili Drikus dýu Plessiden üstün çykandan soň birbada 10 orun ýokary galdy...

17.08.2025 13:33
20k+

Täze çempion! Hamzat Çimaýew Dýu Plessiden üstün çykyp, orta agramda çempion guşagyny aldy

16-njy awgustdan 17-nji awgusta geçilen gije (Aşgabat wagty bilen irden) Çikagodaky United Center arenasynda UFC 319 ýaryşy geçirildi. Onuň esasy wakasy günorta afrikaly Drikus dýu Plessi bilen BAE-niň wekili Hamzat Çimaýewiň arasynda orta agramda titul söweşi boldy...

16.08.2025 16:21
15k+

“Men ony ýatyraryn”, “Oň bir güni galdy”: ertir Çimaýew – Dýu Plessi söweşi geçiriler

17-nji awgustda Çikagoda (Illinoýs ştaty, ABŞ) UFC 319 ýaryşy geçiriler. Orta agramda çempion guşagy üçin agşamyň esasy söweşinde Hamzat Çimaýew bilen Drikus dýu Plessi duşuşar. Çimaýew BAE-niň baýdagy bilen çykyş edýär...

14.08.2025 14:01
21k+

Döwletjan Ýagşymyradow PFL-iň tituly ugrunda Kori Anderson bilen Dubaýda rewanş geçirer

Garyşyk söweş stiliniň türkmenistanly wekili Döwletjan Ýagşymyradow amerikaly Kori Andersona garşy rewanş almak mümkinçiligini gazandy. Ýarym agyr agramda PFL-iň çempionlyk guşagy üçin tutluşyk 2025-nji ýylyň 3-nji oktýabrynda  Dubaýda geçiriler, diýip promouşeniň resmi saýtynda habar berilýär...