“Marvel” studiýasynyň ýolbaşçysy Kewin Faýgi "Ar alyjylar" (“Avengers”) super gahrymanlar toparynyň kino dolanyp geljekdigini wada berdi. Ol bu barada IGN bilen geçirilen söhbetdeşlikde aýtdy diýip, kulturomania.ru habar berýär.
Söhbetdeşlikde ondan iň meşhur super gahrymanlar franşizasynyň dowamy barada soraldy. Faýgi “Disney+” akym hyzmatynyň kömegi bilen super gahrymanlar älemini dowam etdirmegiň mümkindigini belledi, ýöne tomaşaçylaryň “Ar alyjylar” filmini "Marvel" kino äleminiň ýetip gelýän "dördünji tapgyrynda" görüp biljekdigini ýa-da görüp bilmejekdigini kesgitli aýtmady. Täze tapgyra eýýäm "Gara dul" we "Ölmezekler" ýaly 11 sany täze blokbaster, şeýle hem "Laçyn we gyş esgeri" we "Wanda/Winžn" ýaly birnäçe teleserial girýär.
Ýeri gelende bellesek, Entoni we Jo Russolaryň "Ar alyjylar: Final" kinokomiksi kino taryhynda iň köp girdeji gazanan film boldy.
