Germaniýanyň Dortmundyň "Borussiýasynyň" hüjümçisi Erling Holland “Golden Boy” baýragyna mynasyp boldy. Bu barada sportbox.ru habar berdi.
Bu baýrak her ýyl Ýewropanyň ýaşy 21-den geçmedik iň gowy ýaş futbolçysyna berilýär. Şol bir wagtyň özünde, baýragyň dalaşgäri Ýewropa çempionatlarynyň birinde iň ýokary düzümde oýnamaly.
20 ýaşly norwegiýaly Holland "Tuttosport" bilen geçirilen söhbetdeşlikde bu baýragy alanyna buýsanýandygyny aýtdy. Baýrak oňa geljekde üstünlik gazanmak üçin itergi berýär. Şeýle hem Holland öz öňünde täze maksatlary goýýandygyny aýdýar.
Ondan öň “Golden Boy” baýragyna Madridiň “Atletikosynyň” hüjümçisi Joao Feliş (2019), “Ýuwentusyň” goragçysy Matteýs de Ligt (2018) we "PSŽ-niň" hüjümçisi Kilian Mbappe (2017) mynasyp bolupdy.
