2021-nji ýylyň esasy iki reňki belli edildi

  • 13.12.2020 10:27
  • 16k+

Pantone reňk instituty 2021-nji ýylyň esasy reňklerini kesgitledi. Olar doýgun çal (17-5104 Ultimate Gray) we açyk sary (13-0647 Illuminating) boldy. Berkligi we gatylygy alamatlandyrýan çal reňk bilen ýyladyjy optimistik sary reňkiň utgaşygy güýji we optimizmi janlandyrýar diýlip, Pantone saýtyndaky habarda aýdylýar. Bu barada interfax.ru habar berýär.

“Bu reňk sazlaşygy bize çydamlylyk we umyt berýär. Biz özümizi ruhubelent we beýik duýmaly” – diýip, Pantone-iň müdiri Leatris Eýsman reňkleriň saýlanmagyna teswir berdi. Ozal institut ýylyň birbada iki esasy reňkini diňe 2016-njy ýylda saýlady.

Pantone instituty reňk trendlerini yzarlaýar we dizaýnerler hem-de öndürijiler tarapyndan işde ulanylyp bilinjek ýylyň reňkini her ýyl yglan edýär. Pantone Color Institute – bu reňkler boýunça tejribe işi we onuň dürli pudaklara (moda, poligrafiýa, interýer dizaýny, mahabat, kino we beýlekiler) täsiri bilen meşgullanýan Pantone kompaniýasynyň barlag merkezi. Institut esasy reňki 2000-nji ýyldan bäri kesgitleýär. Köp hünärmenleriň pikiriçe, ol reňk we öwüşgin meselesinde iň abraýly, dünýä derejesinde ykrar edilen maglumat çeşmesidir.
Belläp geçsek, 2020-nji ýylyň reňki hökmünde Pantone nusgawy gök reňkini (19-4052 Classic Blue), 2019-njy ýyl – gyrmyzy reňki (16-1546 Living Coral) saýlady. 

düýn 18:18
3.5k+

Nikol Kidman Clé de Peau Beauté kosmetika brendiniň ýüzi boldy

Shiseido kompaniýalar toparyna girýän Clé de Peau Beauté kosmetika brendi Nikol Kidmany markanyň täze global ilçisi hökmünde yglan etdi. Kompaniýanyň resmi beýanynda awstraliýa-amerikaly aktrisasynyň ekrandaky we durmuşdaky täsirli şahsyýeti, aýal-gyzlaryň hukuklaryny goramak meselesinde eýeleýän işjeň orny bilen tanalýandygy bellenildi...

28.07.2025 19:11
2.8k+

Freywille zergärlik brendi suratkeş Frida Kalonyň hormatyna şaý-sep kolleksiýasyny çykardy

Awstriýanyň Freywille zergärlik brendi meksikaly suratkeş Frida Kalonyň (1907-1954) döredijiliginden ylham alyp döredilen ¡Viva la Vida! şaý-sep kolleksiýasyny çykardy. Dizaýnerler Kalonyň dört suratyna ýüzlendi: “Maýmynlar bilen awtoportret”, “Men we totuguşlarym”, “Tikenekli monjuk we kolibri bilen awtoportret” hem-de kolleksiýa ady dakylan “Ýaşasyn durmuş...

13.07.2025 18:42
2.6k+

Dior we Lýuis Hemilton täze egin-eşik kolleksiýasyny hödürledi

Dior moda öýi “Formula-1-iň” meşhur ýaryşa gatnaşyjysy Lýuis Hemilton bilen bilelikde täze egin-eşik kolleksiýasyny hödürledi. Ol Marokkonyň, Senegalyň, Mozambigiň, Beniniň we Madagaskaryň medeniýetlerinden ylham alyp döredildi...

04.07.2025 18:53
5.1k+

Louis Vuitton 10 müň dollara halas ediş halkasynyň şekilinde ýantorba çykardy

Louis Vuitton fransuz moda öýi halas ediş halkasynyň şekilinde üýtgeşik ýantorba hödürledi. Onuň bahasy 10 müň dollara barabar. Aksessuar wintaž stilindäki ýazgy bilen brendiň nusgawy reňkinde ýerine ýetirildi, bu hem ony tomusky obraz üçin tüýs laýyk edýär...