Liwanyň Prezidenti Beýrutdaky partlamanyň mümkin bolan üç sebäbini aýtdy

  • 08.08.2020 08:38
  • 21k+

Liwanyň Prezidenti Mişel Aun Beýrutyň portundaky partlamanyň sebäbi boýunça üç garaýşyň bardygyny aýtdy. Prezidentiň sözleri onuň resmi saýtynda getirilýär. Bu barada gazeta.ru habar berýär.

Aun bir garaýyş boýunça, “daşyndan goşulmak mümkinçiliginiň bardygyny” belledi. Partlamanyň sebäbi bomba ýa-da raketa bolup biler diýlip çaklanylýar.

“Men Fransiýanyň Prezidentinden aero-fotosuratlar fransuzlara elýeterli bolsa, biziň howada uçarlaryň ýa-da raketalaryň bolandygyny anyklap bilmegimiz üçin, olaryň bize berilmegini hut özüm soradym” – diýip, Aun aýdýar.

Eger-de Fransiýa suratlary berip bilmese, Liwan beýleki döwletlerden hem sorar. Galan iki sebäp sowuk-salalygy ýa-da heläkçilikli wakany göz öňünde tutýar diýip, ol sözüniň üstüni ýetirýär. Prezidentiň aýtmagyna görä, suratlar partlamanyň hakyky sebäbini anyklamaga kömek eder.
Prezident “Beýruty öňki görnüşindenem has gözel etmek üçin” şäheri dikeltme işlerine başlajakdygyna wada berdi.
4-nji awgustda Beýrutyň portunda güýçli partlama bolup geçdi. Pajygaly wakanyň netijesinde 5 müňden gowrak adam ýaralandy. Soňky maglumatlar boýunça, 154 adam ýogaldy. Şäherde adatdan daşary ýagdaý yglan edildi. Bu ýagdaý ýurtda koronawirus pandemiýasynyň dowam edýändigi bilen hem ýaramazlaşýar. Liwanyň premýer-ministri Hassan Diabyň aýtmagyna görä, partlamanyň sebäbi zerur bolmadyk 2 750 tonna ammiak selitrasynyň saklanmagy boldy.
Şäheriň gubernatory Marwan Abbud wakanyň ýetiren ýitgisini $3-5 mlrd diýip bahalandyrdy.

Şeýle hem okap bilersiňiz:
Türkmenistanyň Prezidenti Beýrutda bolup geçen partlama zerarly Liwanyň Prezidentine gynanç bildirdi

07.06.2025 19:01
11k+

Kanadadaky tokaý ýangynlaryndan çykýan tüsse baryp kosmosdan hem görünýär

NASA-nyň Ýerden 1,5 million kilometr uzaklykdaky Lagranj L1 nokadynda ýerleşýän DSCOVR hemrasy Kanadadaky tokaý ýangynlaryndan çykan tüssäni surata aldy. Surat 2025-nji ýylyň 31-nji maýynda düşürildi. Kanadadaky tokaý ýangynlary birnäçe gün bäri dowam edýär...

07.06.2025 12:21
12k+

Türkmen alymlary Derweze gaz krateriniň alawlamasyny peseltmegi başardylar

Garagum sährasyndaky Derweze gaz krateriniň ýanmagynyň depgini üç esse azaldy. Bu barada «Türkmengaz» döwlet konserniniň Tebigy gaz ylmy-barlag institutynyň barlaghanasynyň müdiri Irina Lurýewa habar berdi. "Krateriň tertipsiz ýanmagynyň ýygjamlygy 2023-nji ýylyň awgust aýy bilen deňeşdirilende üç esseden gowrak azaldy...

05.06.2025 10:12
8.8k+

Ägirt uly aýsberg A23a Antarktidanyň kenarynda saýdan çykyp, ýene ýüzüp başlady

Ululygy boýunça Lýuksemburgyň çägi bilen deňleşýän A23a ägirt uly aýsbergi  Günorta ummanyň suwlarynda ýene-de hereket edip başlady. Bu barada Arktika we Antarktika ylmy-gözleg institutynyň metbugat gullugy habar berdi...

05.06.2025 10:05
8.8k+

Saharadan galyňlygy 4 km bolan ägirt uly tozan buludy Amerikanyň üstünden iner

Şu hepde Saharadan uly tozan buludy Atlantik ummanynyň üstünden geçip, Karib basseýnini örtdi we indi ABŞ-a tarap barýar. Tozan bulutlary her ýyl Sahara howa gatlagy diýlip atlandyrylýan atmosfera hadysasynyň netijesinde emele gelýär diýip, Science Alert habar berýär...