Türkmenistanda BMG-niň global migrasiýa toruny ulanyşa girizmek meýilleşdirilýär

  • 07.08.2020 08:16
  • 9.2k+

Türkmenistanyň howpsuz, düzgünleşdirilen we kanuny migrasiýa barada Global şertnamany (GDM) durmuşa geçirmek boýunça pudagara iş topary ilkinji ýygnagyny geçirdi.

ORIENT agentliginiň habar bermegine görä, onlaýn duşuşyga Merkezi Aziýa boýunça Halkara Migrasiýa Guramasynyň sebit utgaşdyryjysy Zeýnal Hajiýew, ministrlikleriň we edaralaryň, şeýle hem Türkmenistanyň jemgyýetçilik guramalarynyň wekilleri gatnaşdylar.
Howpsuz, düzgünleşdirilen we kanuny migrasiýa barada Global şertnama ählumumy gepleşikleriň we migrasiýa meseleleri boýunça halkara hyzmatdaşlygyň taryhynda möhüm tapgyrdyr. Ol 2030-njy ýyla çenli Durnukly ösüş boýunça Gün tertibine we Addis Abeba meýilnamasyna esaslanyp, migrantlaryň we döwletleriň bähbidine migrasiýa akymlaryny dolandyrmak üçin döredildi.
Ylalaşygy ýerine ýetirmegiň proseduralary barada durup geçip, Halkara Migrasiýa Guramasynyň Türkmenistandaky wekilhanasynyň başlygy BMG-niň Baş Assambleýasynyň karary bilen göz öňünde tutulan Türkmenistanda BMG-niň global migrasiýa toruny ulanyşa girizmek baradaky meýilnamany mälim etdi. Onuň wezipesi, agza döwletlere dürli guramalaryň işini utgaşdyrmak arkaly howpsuz, düzgünleşdirilen we kanuny migrasiýa barada Global şertnamany durmuşa geçirmäge ýardam etmekdir.
Iş toparynyň utgaşdyryjysy - Türkmenistanyň Döwlet migrasiýa gullugy ýurtda howpsuz, düzgünleşdirilen we kanuny migrasiýa barada Global şertnamany durmuşa geçirmek boýunça milli synyň taýýarlanmagy barada çykyş etdi.

Şeýle hem okap bilersiňiz:

Türkmenistanyň Migrasiýa gullugy onlaýn nobat hyzmatyny işe girizdi

şu gün 01:56
2.9k+

Gurbanguly Berdimuhamedow Türkmenistana gelen Özbegistanyň Prezidenti bilen duşuşdy

4-nji awgustda Türkmenistanyň Halk Maslahatynyň Başlygy Gurbanguly Berdimuhamedow BMG-niň Deňze çykalgasy bolmadyk ösüp barýan ýurtlar boýunça üçünji maslahatyna gatnaşmak üçin ýurdumyza gelen Özbegistanyň Prezidenti Şawkat Mirziýoýew bilen duşuşdy...

şu gün 01:45
2.3k+

Türkmenistanyň Halk Maslahatynyň Başlygy Täjigistanyň Prezidenti bilen duşuşdy

4-nji awgustda Täjigistanyň Prezidenti Emomali Rahmon Türkmenbaşy şäherine geldi. Belent mertebeli myhmanyň uçary Türkmenbaşy Halkara howa menziline gondy. Bu ýerde Täjigistanyň Lideri iki doganlyk halkyň arasyndaky mizemez dostluga mahsus bolan aýratyn mähirlilik we dabaraly ýagdaýda garşylandy...

şu gün 01:38
2.3k+

Gurbanguly Berdimuhamedow Awazada Kasym-Žomart Tokaýew bilen duşuşdy

4-nji awgustda Türkmenistanyň Halk Maslahatynyň Başlygy Gurbanguly Berdimuhamedov BMG-niň deňze çykalgasy bolmadyk ösüp barýan ýurtlary boýunça üçünji maslahatyna gatnaşmak üçin ýurdumyza gelen Gazagystan Respublikasynyň Prezidenti Kasym-Žomart Tokaýew bilen duşuşyk geçirdi...

şu gün 01:22
615

Serdar Berdimuhamedow Awazada BMG-niň Baş sekretary Antoniu Guterriş bilen duşuşdy

4-nji awgustda Türkmenistanyň Prezidenti Serdar Berdimuhamedow Awazada BMG-niň Deňze çykalgasy bolmadyk ösüp barýan döwletler boýunça üçünji maslahatyna gatnaşmak maksady bilen Türkmenistana gelen Birleşen Milletler Guramasynyň Baş sekretary Antoniu Guterriş bilen duşuşdy...