Nissanyň 2020-2021-nji maliýe ýylynyň I çärýegi boýunça arassa ýitgisi $2,7 milliarda barabar boldy

  • 28.07.2020 23:21
  • 9.7k+

Nissan Motor ýapon awtoöndürijisiniň paýdarlarynyň arassa ýitgisi 2020-2021-nji maliýe ýylynyň birinji çärýeginiň jemi boýunça (30-njy iýunda tamamlandy) geçen ýyldaky 6,377 milliard ýen (60,5 million dollar) möçberindäki girdejä garşy durup, 285,59 milliard ýena (2,7 milliard dollar) barabar boldy diýlip, kompaniýanyň hasabatynda aýdylýar. Muny 1prime.ru ýetirýär.

Nissan Motor-yň girdejisi hasabat döwrüniň jemi boýunça 1,174 trillion ýena barabar boldy, bu bolsa 2019-2020-nji maliýe ýylynyň görkezijisinden iki esse azdyr. Operasion ýitgi geçen ýyldaky 1,609 milliard ýen möçberindäki (15,3 million dollar) girdejä garşy durup, 153,9 milliard ýena (1,46 milliard dollar) barabar boldy.
Bu döwürde awtomobilleriň satuwy ýyllyk aňlatmasynda 47,7%, ýagny 643 müň ulaga çenli peseldi, şunuň bilen birlikde Demirgazyk Amerikada hem görkeziji 2 esse (ABŞ-da – 49,5%), Aziýada görkeziji 49,5% (Hytaýda – 39,9%) pese düşdi, Ýewropa ýurtlarynda söwda ýyllyk aňlatmasynda 2,5 esse pese gaçdy. Ýaponiýada söwdalar 3 esse azaldy. Awtoöndürijiniň bazarda paýy 0,3%-e barabar boldy.
COVID-19 koronawirus pandemiýasynyň dünýä bazaryna ýetirýän täsirini göz öňünde tutmak bilen, Nissan 2020-nji maliýe ýylynda söwdanyň göwrüminiň peselmegine garaşýar. Maliýe ýylynyň jemi boýunça, kompaniýa 4,125 million awtomobil bilen üpjün etmegi göz öňünde tutýar.
Umuman alanyňda, häzirki maliýe ýylynyň jemi boýunça Nissan 670 milliard ýen (6,35 milliard dollar) möçberinde arassa ýitginiň bolmagyna garaşýar. Ýylyň jemi boýunça girdeji 7,8 trillion ýena (74 milliard dollar) ýeter diýlip hasaplanylýar.

Nissan Motor – Ýaponiýada uly awtoöndürijileriň biri bolup, Renault-Nissan-Mitsubishi birleşiginiň düzümine girýär. Kompaniýanyň paýnamalary sişenbe güni 4,3% arzanlady. 2020-nji ýylyň başyndan bäri olaryň bahasy 35% pese gaçdy.

düýn 15:15
7.8k+

Toyota 2028-nji ýylda Camry, Land Cruiser we 4Runner ulaglarynyň modellerini täzelär

Toyota Demirgazyk Amerikanyň bazary üçin awtomobil hataryny düýpli täzelemegi göz öňünde tutýar. Hususan-da, 2028-nji ýylda kompaniýa täzelenen Camry, Land Cruiser 250 (ABŞ-da model diňe Land Cruiser diýlip atlandyrylýar) we 4Runner ulaglaryny hödürlär diýip, Automotive News ýazýar...

04.08.2025 17:05
2.5k+

Ford tormoz näsazlyklary sebäpli 312 müň awtomobili yzyna gaýtarýar

Ford kompaniýasy elektron tormoz güýçlendirijisiniň mümkin bolan näsazlygy sebäpli ABŞ-da 312 müň awtomobili yzyna gaýtarýar. Bu barada ABŞ-nyň Milli ýol hereketiniň howpsuzlyk edarasynyň (NHTSA) saýtynda habar berilýär...

04.08.2025 00:15
11k+

Finlýandiýanyň paýtagtynda soňky ýylda adam pidasyna getiren ýekeje-de ýol-ulag hadysasy bolmady

Soňky 12 aýyň dowamynda Finlýandiýanyň paýtagty Helsinkide ýol-ulag hadysalary sebäpli ýekeje-de ölüm hadysasy hasaba alynmady. Bu barada şäher häkimligine we polisiýa gullugyna salgylanyp, Yle neşiri habar berýär...

04.08.2025 00:07
4k+

BMW M3 CS Touring Nýurburgring ýolunda iň tiz seriýalaýyn uniwersal boldy

BMW-niň täze M3 CS Touring modeli meşhur Nýurburgring ýolunda seriýa görnüşli uniwersal awtoulaglaryň arasynda täze rekord goýdy — ol ýoluň bir aýlawyny 7 minut 29,490 sekuntda geçdi. Bu netijäni kompaniýa aprel aýynda hasaba aldy, ýöne şu wagta çenli resmi taýdan yglan etmändi...