AŞTU müşderilerine internet we IPTV hyzmatlaryny öýden birikdirmek mümkinçiligini döretdi

  • 27.07.2020 00:45
  • 23k+

Aşgabat şäher telefon ulgamy  ýapyk görnüşli paýdarlar jemgyýeti (AŞTU) öz müşderilerine berýän hyzmatynyň hilini we elýeterliligini ýokarlandyrmak üçin alyp barýan işleriniň çäginde täze hyzmatlary ýola goýdy. 

AŞTU-nyň resmi saýtynyň habar bermegine görä, mundan beýläk, onuň ulanyjylarynyň telefon belgilerine  internet we IPTV hyzmatlaryny birikdirmek üçin AŞTU şahamçalaryna ýüz tutmaklary zerur däl. Ýagny, my.agts.tv salgysynda her ulanyjy öz  şahsy otagyndan islän hyzmatlaryny birikdirip bilerler. Birikdirilen hyzmaty işletmek üçin gelen tehniki işgär hyzmatdan peýdalanmak üçin zerur bolan şertnamany alyp geler we şol ýerde gol çekiler. 

Şeýle hem, ulanylýan hyzmat bilen bagly näsazlyk ýa-da arz-şikaýat ýüze çykan ýagdaýynda my.agts.tv salgysynda öz şahsy otagynda ýerleşdirilen kömek merkezinden habarlaşmak mümkin. Görkezilen penjireden öz belgiňize birikdirilen hyzmat bilen bagly näsazlygy bildireniňizden soňra gysga wagtda tehniki topar siz bilen habarlaşar.

Ýokarda agzalan hyzmatlaryň iOS we Android enjamlar üçin taýýarlanan programmalarda hem gysga wagtda elýeterli etmek üçin tehniki işler ýerine ýetirilýär.

Galyberse-de,  ýakyn günlerde şahsy otagda we mobil enjamlar üçin niýetlenilen programmalarda telefon hyzmatlaryny dolandyrmak funksiýasy goşulypdy. Bu funksiýa arkaly ulanyjylar telefon belgilerine şäherara we döwletara jaňlary (8-lik we 10-lyk hyzmatlary) birikdirip bilerler. 

düýn 12:42
5.7k+

Aý raketasy üçin döredilen täze gaty ýangyçly tizlendiriji synag wagty partlady

26-njy iýunda Northrop Grumman kompaniýasynyň ABŞ-nyň Ýuta ştatyndaky synag meýdançasynda «Artemis IX» Aý missiýasy üçin niýetlenen SLS raketasynyň täze gaty ýangyçly tizlendirijisiniň synagy geçirildi. Işe girizilmeginden iki minut hem geçmänkä we otlaýyş prosesiniň tamamlanmagyna on sekunt galanda, enjamyň soplosy döwlüp, ýangyn döredi...

27.06.2025 18:11
4.6k+

Halkara kosmos stansiýasyna ilkinji gezek Hindistandan, Polşadan we Wengriýadan astronawtlar bardy

26-njy iýunda SpaceX kompaniýasynyň Crew Dragon kosmos gämisi Halkara kosmos stansiýasyna üstünlikli birikdi. Uçuş Axiom Space amerikan kompaniýasynyň Ax-4 («Aksiom-4») hususy missiýasynyň çäklerinde amala aşyryldy...

27.06.2025 11:29
2.4k+

Google AI indi näme gözleýäniňizi bilýär. AI gözleg ulgamy özüni ulanyja görä sazlaýar

Google öz gözleg ulgamynyň AI Mode režimine şahsylaşdyrylan teklipleri ornaşdyryp başlady. Indi ulanyjylar kompaniýanyň mobil programmasynda bu režime geçenlerinde özleriniň Google-daky işjeňligine esaslanýan teklipleri görýärler...

27.06.2025 11:19
7.2k+

Hytaýda alty tonnalyk konwertoplan ilkinji gezek synag edildi: bir wagtyň özünde hem dikuçar, hem uçar

Hytaýda täze "Zhang Ying R6000" konwertoplanynyň ilkinji ýerüsti synaglary geçirildi. Synaglaryň suratlary United Aircraft tarapyndan çap edildi. Alty tonnalyk apparat pilotly we pilotsyz dolandyrylýan görnüşlerde döredildi...