Belarus Respublikasynyň Milli awiakompaniýasy "Belawiýa" käbir gatnaw ugurlary boýunça uçuşlaryň togtadylmagyny uzaltdy. Bu barada Turkmenportal awiakompaniýanyň metbugat gullugyna salgylanyp habar berýär.
Togtadylan gatnawlar:
– Aşgabada (Türkmenistan) – 1-nji sentýabra çenli;
– Warşawa (Polşa), Wilniusa (Litwa), Riga (Latwiýa), Talline (Estoniýa) – 28-nji iýula çenli;
– Russiýa, Daşkente (Özbegistan) we Larnaka (Kipr) – 31-nji iýula çenli;
– Jorjiýa, Gazagystana we Wena (Awstriýa) – 15-nji awgusta çenli;
Ýolagçylar ýatyrylan uçuşlar üçin petekleri yzyna gaýtaryp bilerler ýa-da uçuş senesini 2020-nji ýylyň 31-nji dekabryna çenli üýtgedip bilerler. Şu ýylyň ahyryna çenli kassa bölümlerine, kompaniýanyň wekilhanalaryna we goldaw gullugyna bu meseleler boýunça ýüz tutup bilersiňiz.
«Belawiýa» muny häziriň özünde etmegiň zerur däldigini, sebäbi ähli petekleriň maglumatlarynyň ulgamda saklanýandygyny aýtdy. Ýolagçylar uçuşyň çak edilýän senesinden soň diňe bilet belgisini berip ýüz tutup bilerler. Şunuň bilen baglylykda, gidiş senesini diňe bir gezek üýtgedip bolýar.
Häzirki wagtda Belawiýa Minskden Ukraina, Türkiýä, Fransiýa, Gollandiýa, Şwesiýa, Germaniýa, Moldowa, Ysraýyla, Italiýa, Çehiýa, Finlýandiýa, Belgiýa, Ispaniýa, Ermenistana, Serbiýa we Beýik Britaniýa yzygiderli gatnawlary amala aşyrýar.
Şeýle hem Minsk howa menzilinde başga uçara geçmek mümkinçiligi bar.
Belarusyň "Belawiýa" awiakompaniýasynyň Minsk – Aşgabat – Minsk ugry boýunça Boeing 737 uçary bilen hepdede bir gezek yzygiderli gatnawy amala aşyrandygyny ýatladýarys. Türkmenistanyň paýtagtyna uçuşlar sişenbe güni, yza uçuş bolsa çarşenbe güni amala aşyrylypdy.
«Belawiýa» awiakompaniýasy Türkmenistana uçuşlaryny togtatmasyny 1-nji sentýabra çenli uzaltdy
- 23.07.2020 20:01
- 31k+
