AŞTU Aşgabadyň 30-njy kiçi etrapçasyny Ethernet toruna birikdirdi

  • 20.07.2020 23:04
  • 10k+

“Aşgabat şäher telefon ulgamy” ýapyk görnüşli paýdarlar jemgyýeti paýtagtyň etraplarynyň köp gatly ýaşaýyş jaýlarynda Ethernet gurşawynyň çägini giňeltmegi dowam etdirýär. Turkmenportal agentliginiň guramanyň resmi web sahypasyna salgylanyp habar bermegine görä, Aşgabadyň 30-njy kiçi etrapçasynyň köp gatly ýaşaýyş jaýlarynda esasy optiki-süýümli kabel aragatnaşyk geçirijileri ulanyşa goýberildi. Ýagny müşderileriň öýlerine Ethernet kabelleri çekildi. Netijede bolsa, abonentlere berilýän telefon aragatnaşygy, IP-telewideniýe we Internet hyzmatlarynda ep-esli ilerleme gazanyldy.

Ethernet – kompýuter we senagat torlary üçin niýetlenilen enjamlaryň arasynda maglumat çalşygy tehnologiýalarynyň maşgalasydyr.
Häzirki wagtda baglanyşygyň hili, trafigiň mukdary we bahalary taýdan “Turkmentelecom”-dan tapawudy bolmadyk AŞTU öý Internetine birikmek üçin kompaniýanyň ofisine baryp, beýannama ýazmak, şeýle hem başlangyç tölegi tölemek ýeterlikdir. Fiziki şahslar üçin ähli ýokary tizlikli internet nyrh meýilnamalary elýeterlidir: 256 kbit/sek, 512 kbit/sek, 1024 kbit/sek we 2048 kbit/sek.

27.11.2025 10:26
1.1k+

Alymlar ilkinji gezek biologik materiallar bolmazdan emeli beýni dokumasyny döretdi

Riwersaýddaky Kaliforniýa uniwersitetiniň bioinženerleri beýni dokumasyna meňzeş doly emeli dokumanyň döredilendigini habar berdi. Alymlara ilkinji gezek şeýle materialy hakyky biologik maddalary ulanmazdan döretmek başartdy...

11.11.2025 15:19
3.7k+

Kembrijde CO₂-ni peýdaly çig mala öwürýän “emeli ýaprak” döretdiler

Kembrij uniwersitetiniň alymlary Gün şöhlesiniň täsiri astynda kömürturşy gazyny (CO₂) we suwy peýdaly himiki maddalara öwrüp bilýän ýarym sintetik “emeli ýapragy” döredendiklerini habar berdiler. Bu enjam tebigy fotosinteziň iş prinsipini gaýtalaýar we zäherli katalizatorlary ulanmaýar, şonuň bilen hem ekologiýa taýdan arassa hasaplanýar diýip, SciTechDaily ýazýar...

10.11.2025 13:10
5.3k+

Günorta koreýaly alymlar robotlar üçin çeýe we örän güýçli emeli myşsa döretdiler

Ulsandaky Milli Ylym we Tehnologiýa Institutynyň  (UNIST) alymlary robotlar üçin täze görnüşli emeli myşsa taýýarladylar. Bu material ynsan we haýwan myşsalaryndaky ýaly çeýeligi we berkligi özünde jemleýär. Hasaplamalara görä, eger adam şeýle myşsalara eýe bolsady, ol bir eli bilen pil saklap biljekdi...

09.11.2025 19:12
4.7k+

Ysmaz adam Neuralink-iň kömegi bilen daş-töweregi görüp başlady

Neuralink-iň hassasy Bred Smit görmekden mahrum bolmandy, ýöne amiotrofik gapdal sklerozy sebäpli ol kellesini hereket etdirip bilenokdy. Ýöne ol beýni implantyny ulanmagyň täze usulyny tapdy. Indi ol Neuralink-i ýörite berkidilen web-kamerany dolandyrmak üçin ulanýar...