Türkmenistan Ýewropa Bileleşiginiň Merkezi Aziýa maýa goýum gaznasynyň birnäçe taslamasyna gatnaşyp biler diýip, Trend agentligi Bileleşigiň Türkmenistandaky wekilhanasynyň maglumatyna esaslanyp habar berýär.
Wekilhananyň berýän habaryna görä, 2019-njy ýylyň ahyrynda başlanan bu taslamalaryň arasynda şular bar: Merkezi Aziýada maýa goýumlaryny, bäsdeşlige ukyplylygy we söwdany goldamak; Ýewropa Bileleşigi – Merkezi Aziýa: suw, daşky gurşaw we howanyň üýtgemegi boýunça hyzmatdaşlyk we Merkezi Aziýanyň energiýa we suw ösüş maksatnamasy; ÝB-Merkezi Aziýa Hukuk Dolandyryş Maksatnamasy; Maliýe durnuklylygyny güýçlendirmek we Merkezi Aziýada töwekgelçiligi azaltmagy çaltlaşdyrmak.
Türkmenistan bilen ÝB-niň arasyndaky hyzmatdaşlyk babatda ikitaraplaýyn gatnaşyklaryň 2010-njy ýylyň awgust aýynda güýje giren Söwda we onuň bilen baglanyşykly meseleler boýunça wagtlaýyn Şertnama bilen dolandyrylýar diýip, ÝB-niň Türkmenistandaky wekili düşündirýär. “Ikitaraplaýyn ösüş hyzmatdaşlygy umumy we hünär bilim ulgamlaryny berkitmäge, Türkmenistanyň döwlet dolandyryşynyň mümkinçiliklerini güýçlendirmäge, döwlet maliýe dolandyryşyny hasam kämilleşdirmäge, hususy pudagyň ösüşine we oba hojalygy we oba syýasatlaryna goldaw bermäge gönükdirilendir” – diýip, ol sözüniň üstüni ýetirýär.
Ýeri gelende ýatlap geçsek, ÝB-niň Türkmenistandaky wekilhanasy 2019-njy ýylyň iýul aýynda açylypdy.
