Hindistan Hytaýdan we Pakistandan energiýa enjamlaryny import etmegini bes eder. Bu barada Energetika ministri Raj Kumar Singh metbugat ýygnagynda aýtdy. Bu barada piter.tv belleýär.
Ministr 710 milliard rupiýalyk, ýagny, takmynan 9,4 milliard dollarlyk enjamyň Hytaýdan ýurda getirilendigini belledi.
"Haçan-da bir ýurt biziň ýerlerimizde ornaşyp ugrasa, muňa arkaýyn seredip oturyp bilmeris. Biz Hytaýdan we Pakistandan hiç zat satyn almarys" - diýip, ministr Raj Kumar Singh belleýär.
Döwlet işgäri döwlet kompaniýalarynyň energiýa enjamlary üçin Hytaýyň zawodlaryna sargyt etmeli däldigini aýdýar. Onuň bellemegine görä, ýurduň daşyndan getiriljek harytlar Nýu-Deliniň hökümeti tarapyndan barlanar. Hususan-da, Hytaýdan gelýän önümler zyýanly programma üpjünçiligi boýunça we dürli wiruslar tarapdan howpsuzlygy boýunça barlagdan geçiriler.
Indi Hytaý Hindistandaky kompaniýalarynyň göwnüni awlamak üçin zerur çäreleri görmeli bolar.
