2020-nji ýylyň 25-nji sentýabrynda Aşgabat şäherinde Ruhyýet köşgünde Türkmenistanyň Halk Maslahatynyň mejlisi geçiriler. Türkmenistanyň Halk Maslahatynyň mejlisini guramaçylykly geçirmek hakynda resminama Gurbanguly Berdimuhamedow gol çekdi.
Resminama laýyklykda, Halk Maslahatynyň mejlisini ýokary derejede geçirmek boýunça guramaçylyk topary dörediler we onuň düzümi tassyklanylar.
Şeýle hem welaýatlaryň we Aşgabat şäheriniň halk maslahatlary «Türkmenistanyň Halk Maslahatynyň birinji mejlisini guramaçylykly geçirmek hakynda» Türkmenistanyň Prezidentiniň 2018-nji ýylyň 5-nji iýulynda çykaran 385-nji Permany bilen tassyklanan Türkmenistanyň Halk Maslahatynyň düzümine jemgyýetçiligiň wekillerini saýlamagyň Tertibine laýyklykda, Türkmenistanyň Halk Maslahatynyň düzümine jemgyýetçiligiň wekilleriniň saýlawlarynyň geçirilmegini üpjün eder hem-de Türkmenistanyň Halk Maslahatyna welaýatlardan we Aşgabat şäherinden saýlanan agzalarynyň sanawyny 2020-nji ýylyň 1-nji sentýabryna çenli Türkmenistanyň Prezidentiniň Diwanyna berer.
Türkmenistanyň Mejlisi Türkmenistanyň Halk Maslahatynyň düzümine jemgyýetçiligiň wekillerini saýlamak, şeýle hem Türkmenistanyň Halk Maslahatynyň mejlisine taýýarlyk görmek we geçirmek bilen bagly işlerde welaýatlaryň, etraplaryň hem-de şäherleriň halk maslahatlaryna guramaçylyk-usulyýet taýdan ýardam bermeli we bu işleri utgaşdyrmaly.
25-nji sentýabrda Aşgabatda Türkmenistanyň Halk Maslahatynyň mejlisi geçiriler
- 04.07.2020 11:38
- 6.2k+
