Eýranyň döwlet eýeçiligindäki “Iran Air” awiakompaniýasy Bojnurd (Eýran) - Aşgabat (Türkmenistan) ugry boýunça howa gatnawyny ýola goýmagy meýilleşdirýär. Turkmenportal saýtynyň Tähran Taýms neşirine salgylanyp habar bermegine görä, bu barada Demirgazyk Horasan welaýatynyň baş gubernatory Muhammet Ali Şojaý habar berýär.
Onuň pikiriçe, 2019-njy ýylda Türkmenistan bilen Eýranyň arasynda gol çekilen Özara düşünişmek Ähtnamasy esasynda, yzygiderli howa gatnawy meýilleşdirilýär. Uçuşlaryň sebitde syýahatçylygyň ösmegine kömek etjekdigi hem bellendi.
Demirgazyk Horasan - Eýranyň demirgazyk-gündogarynda ýerleşýän welaýat, onuň Türkmenistan bilen uzak araçägi bar. Soñky döwürde Bojnurdda syýahatçylyk barha ösýär, ýogsa syýahatçylar bu ýere Maşad - Gorgan ugry boýunça syýahatyň dowamynda bary-ýogy ýolugra degip geçýärler. Häzirki wagtda welaýatda tebigaty söýýänlere, dynç alýanlara we gezelenje gelenlere hyzmat edýän 150 töweregi eko-jaý bar.
Iran Air awiakompaniýasy Türkmenistana howa gatnawlaryny ýola goýmagy meýilleşdirýär
- 02.07.2020 11:47
- 17k+
