Geçen hepde boýunça Türkmenistanyň birža täzelikleri

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 62-si hasaba alyndy.
Daşary ýurt walýutasyna Russiýadan, Birleşen Arap Emirliklerinden, Beýik Britaniýadan, Türkiýeden, Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen ýagtylandyryjy kerosini we dizel ýangyjyny satyn aldylar. «Türkmengaz» döwlet konserninde öndürilen ýokary dykyzlykdaky polietilen we polipropilen Russiýadan, Birleşen Arap Emirliklerinden we Owganystandan gelen telekeçileriň geleşikleriniň esasyny düzdi.
Mundan başga-da, daşary ýurt puluna reňklenen tüýjümek önümler we nah ýüplügi satyn alyndy. Satyn alan ýurtlar: Russiýa, BAE, Türkiýe, Azerbaýjan, Gyrgyzystan. Geleşikleriň jemi bahasy ABŞ-nyň 17 million 113 müň dollaryndan gowrak boldy.
Manat serişdelerine Beýik Britaniýanyň, Kanadanyň, BAE-niň, Türkiýäniň, Gazagystanyň, Ermenistanyň işewürler toparlarynyň wekilleri jemi bahasy 18 million manatlyga golaý nah ýüplügi satyn aldylar.
Ýurdumyzyň telekeçileri içerki bazar üçin jemi bahasy 1 million 29 müň manatlykdan gowrak «Türkmengaz» döwlet konserninde öndürilen ýokary dykyzlykdaky polietileni, parafin gaçyny satyn aldylar.