Huawei iň innowasion kompaniýalaryň reýtinginde 48-den 6-njy orna çykdy

BCG portaly ýer ýüzüniň iň innowasion kompaniýalarynyň täzelenen reýtingini neşir etdi. Bu barada actualnews.org habar berýär. Bu gezek reýtingde geçen ýylyň sanawy bilen deňeşdirilende geň üýtgeşmeler bolup geçdi, esasanam, Huawei hytaý tenhika ägirdiniň görkezen netijesi haýran galdyrýar.
2020-nji ýylda Huawei 42 orun ýokary rekord böküşi etmek bilen, reýtingde 48-den 6-njy orna çykdy. 2014-nji ýylda kompaniýanyň reýtingiň iň pes ornunda ýerleşendigini, şondan soň onuň ep-esli ösüşi görkezip bilendigi baradaky fakty hem bellemek ýerliklidir, ýöne 2019-njy ýylyň jemi boýunça ol 49-njy setire düşdi. Indi bolsa ol liderleriň sanawyna çykyp, Facebook, Alibaba we Sony ýaly özüniň bäsdeşlerinden öňe geçýär.
Reýtingiň onlugynda iň belli tehnologik kompaniýalar ýerleşdirildi, ony bolsa Apple amerikan kompaniýasy esaslandyrýar. Ikinji orunda Google korporasiýasy ýerleşdi, üçlügi Amazon jemleýär. Ilkinji üç ornuň ählisi Birleşen Ştatlaryň wekillerine degişli boldy.
Huawei kompaniýasynyň ýene bir bäsdeşi bolan Xiaomi barada aýdylanda, ol 2020-nji ýylda 24-nji orun bilen çäklenýär. Hünärmenleriň pikiriçe, ABŞ-nyň hökümeti tarapyndan kompaniýa edilýän basyşyň fonunda Huawei-niň şeýle ýokary böküşi onuň bäşinji nesliň toruny girizmek pudagynda ilkinji bolandygy bilen delillendirilýär.