Oppo kompaniýasy Ýaponiýada Oppo Reno3 A arzan smartfony hödürledi. Bu barada delovoe.tv habar berýär. Model 2400x1080 pikselli we taraplary 20:9 gatnaşykly diagonaly 6,4 dýuým bolan AMOLED ekranyna eýe boldy. Ekran ýüzündäki paneliň tutuş meýdanyndan 89,9%-ini eýeleýär. Reno3 A Snapdragon 665 prosessorynyň esasynda işleýär. Onuň düzümine 6 GB operatiw we 128 GB içki ýat girdi. Akkumulýatoryň sygymy 4025 mA/sag barabar.
Esasy kamera 48 Mp datçige we iki goşmaça modula (8 we 2 Mp) eýe boldy. Frontal kamera 16 Mp eýe boldy. Smartfonyň ekranyny Gorilla Glass 5 aýna goraýar. Model özüniň suw geçirmeýjiligi bilen IP68 gorag derejesine gabat gelýär. Daktiloskopik skaner ekrana birikdirilen. Mundan başga-da, Oppo Reno3 A iki diapazonly Wi-Fi 802.11a/c, Bluetooth 5.0, GPS, NFC ulgamlaryny hem göterýär, onda 3,5 mm audio-bölek we Type-C porty bar. Enjam Android 10 bazasynda ColorOS 7.1-iň dolandyrmagy bilen işleýär. Gajetiň göwrümleri: 160,9x74,1x8,20 mm, agramy – 175 gram.
Oppo Reno3 A Ýaponiýada ak we gara reňk görnüşlerinde 25-nji iýundan elýeterli bolar. Enjamyň bahasy $374. Onuň halkara satuwy barada heniz hiç zat belli däl.
Oppo kompaniýasy Reno3 A suw geçirmeýän smartfony hödürledi
- 23.06.2020 22:58
- 4.9k+
