18-nji iýunda Gurbanguly Berdimuhamedow Balkan welaýatyna iş saparyny tamamlap, paýtagtymyza dolandy. Döwlet Baştutany Aşgabadyň Halkara howa menzilinden ýolugra şähergurluşyk işleriniň barşy, hususan-da, häzirki zaman «Garagum» myhmanhanasynyň hem-de bu ýerde bina edilýän 21-nji ýöriteleşdirilen toplumyň mekdebinde we çagalar bagynda alnyp barylýan gurluşyk işleri bilen tanyşdy. Şeýle hem toplumyň çäginde fitnes we döredijilik merkezi gurulýar.
Geljegimiz bolan ýaşlara döwrümiziň barha ösýän talaplaryna laýyk bilim-terbiýe bermek, dürli hünärleri öwretmek, ylma we döredijilige ugrukdyrmak, merdana ata-babalarymyzyň watansöýüjilik ruhuny, ynsanperwerlige ýugrulan durmuş ýörelgelerini, zähmet endiklerini, asylly milli däplerini mynasyp dowam etdirmek biziň alyp barýan ähli özgertmelerimiziň esasyny düzýär diýip, döwlet Baştutany nygtady we degişli tabşyryklary berdi.
Hormatly Prezidentimiz «Garagum» myhmanhanasynyň gurluşyk işleri bilen içgin tanşyp, bu babatda birnäçe bellikleri we maslahatlary aýtdy.
Milli Liderimiz bu işleriň şu günüň talaplaryna laýyklykda alnyp barylmalydygyny nygtap, bu babatda degişli ýolbaşçylara işleriň sazlaşygyny üpjün etmek boýunça anyk tabşyryklary berdi we bu ýerden ugrady.
Gurbanguly Berdimuhamedow Aşgabat boýunça iş saparyny amala aşyrdy
- 18.06.2020 22:37
- 6.9k+
